Aqmola oblysynyŋ Qoşqarbaev auyly maŋyndaǧy ziratty su basyp, marqūmdardyŋ süiegı jer betıne şyǧyp jatyr, dep habarlaidy “Adyrna” ūlttyq portaly “Almaty” telearnasyna sılteme jasap.
Tūrǧyndardyŋ aituynşa, qanşa dabyl qaqqanmen äkımdık eş äreket etpeidı. Al aimaqtyŋ aq jaǧalylary mazardy qorǧauǧa qazynadan qarajat tappai jatqandaryn jetkızdı.
Būl zirat elordadan 40 şaqyrym jerde ornalasqan. Nūra özenı arnasynan asyp tasyǧanda su basyp, marqūmdardyŋ süiegın şaiyp ketıp jatyr. Jaqyndary jerlengen zirattyŋ jaǧdaiyna alaŋdaǧan jūrtşylyqtyŋ amaly tausylǧan. Su jer betıne şyǧaryp tastaǧan süiekterdı qaita kömıp otyramyz deidı.
«Jylda qolǧa ılıngenın, közge körıngenın osy zirattyŋ janynda, auyldyŋ azamattary imammen, äkımşılıkpen bırge kelıp, süiekterdı jinap dūǧasyn oqyp, qaitadan zirattyŋ būryşyna kömıp jatyr. Jüregımızdı auyrtady», – dedı R. Qoşqarbaev auylynyŋ tūrǧyny Seiıt Ybyraev.Mäsele 5 jyl būryn bastalǧan. Özen arnasynyŋ özgeruıne elordadaǧy qūrylys kompaniialarynyŋ zaŋsyz äreketterı sebep bolypty. Olar qarajat ünemdeu maqsatynda tegın tas pen topyraq alyp, soŋy osyndai problemaǧa äkep soqqanyn aitady. Al özen suyn tūrǧyndar qajettılıkterıne de qoldanady eken.
«Sol sudy bız ogorodqa qoldanamyz. Balalar şomylady. Jaz boiy sol köpırdıŋ janynda qaladan, basqa jerlerden demaluǧa keletın adamdar bar. Sol sudyŋ astynda balyqqa qaraǧanda adamnyŋ süiegı köp. Ol talai däleldengen», – dedı R. Qoşqarbaev auylynyŋ tūrǧyny Seiıt Ybyraev.Mäsele jönınde oblys, audan basşylary habardar. Tūrǧyndardyŋ aituynşa, jobalyq-smetalyq qūjattary äzırlegenderın de jetkızgen. Biudjetten qarajat bölıngen boida Nūra özenınıŋ arnasyn özgertudı josparlaǧan. Äkımdık ökılderı bolsa, tūrǧyndardyŋ sözın rastap, osydan 3 jyl būryn jūmys toby qūrylǧanyn, qarajat bölınu qarastyrǧanyn aitady.
«2019-2020 jyldarǧa oblystan qarajat qarastyrylmaǧan, sözdıŋ aşyǧy. Bız audannan jıberdık, bıraq oblystan toqtap qaldy. Bügıngı taŋda jobalyq-smetalyq qūjatty jasau üşın esepteu jūmysyna biudjetke tapsyrys jasaldy. Esepteu jūmysy bıtkennen keiın jobalyq-smetalyq qūjatqa qarajat qarastyratyn şyǧarmyz», – dedı Selinograd audany Tūrǧyn üi inspeksiiasy jäne kommunaldyq şaruaşylyq bölımınıŋ basşysy Mels Jūmabaev.Audandyq äkımdık jyl saiyn jobalyq-smetalyq qūjattar jasauǧa qarajat şyǧyndap älek bolyp jatqanda, 50 jyldan asqan qorymnyŋ bügınde üşten bır bölıgı qalǧan. Eŋ soraqysy jūrtşylyq mūnyŋ soŋy ekologiialyq mäselege äkelıp, auyl tūrǧyndary arasynda auru tarap ketu qaupı bar dep alaŋdaidy. https://youtu.be/viHb0W8SFrY
“Adyrna” ūlttyq portaly
