Pavlodarda kışkentai qyzdy qūtqaryp qalǧan oquşy «Bala jüregı» medalımen marapattaldy

Aita keteiık, Pavlodarlyq 10 jasar Saian Rahmanǧūlov 2021 jyldyŋ 30 säuırınde auylda joǧalyp ketken Aruana atty qyzdy tauyp, qūtqaryp qalǧan. Balany ızdeuge şyqqandardyŋ ışınde Rahmanǧūlovtar otbasynyŋ Ashat jäne onyŋ ūly Saian da bolǧan edı. Qorşaudyŋ janyndaǧy su stansiiasynda ülken adamnyŋ tızesınen asatyn kışkentai aryq bar bolatyn. Balalar däl sol jerden eş tırşılık belgısı joq kök kürteşelı kışkentai qyz tauyp alady. Saian oilanbastan suǧa sekırıp, balany aiaǧynan ūstap, jaǧaǧa süirep şyǧardy. Sodan keiın aiqailap, qolyn būlǧap, bırneşe jüz metr qaşyqtyqta jürgen äkesın şaqyrdy. Bala qyzǧa jasandy tynys aludy jäne janama jürek massajyn jasai bastady, osylaişa qyz tırı qalady.

«Törtınşı jyl qatarynan ötken baiqau batyldyǧymen jäne qamqorlyǧymen özgelerge qol ūşyn sozyp, quantqan meiırban jandardy anyqtap keledı. Dästürlı baiqau adamgerşılıktı, meiırımdılıktı ūlyqtaidy. Jyl saiyn ötıp jatqan būl baiqau elımızdıŋ tükpır-tükpırınen 1000-nan astam qaiyrymdy ärı batyl jandardy anyqtaidy. Byltyr baiqauǧa 1033 ötınım kelıp tüstı», - dedı baiqau jeŋımpazdaryn marapattau barysynda Nūrsūltan Nazarbaev qorynyŋ atqaruşy direktorynyŋ orynbasary Älkei Marǧūlanūly.

“Adyrna” ūlttyq portaly