Pándik olımpıada jeńimpazdaryna beriletin tólemder mólsheri belgili boldy

2777
Adyrna.kz Telegram
Foto: 24.kz
Foto: 24.kz

QR Bilim jáne ǵylym mınıstri Ashat Aımaǵambetov Prezıdent halyqaralyq pándik olımpıada jeńimpazdaryna birjolǵy aqshalaı tólemderdi tóleý normasyn qarastyratyn zańǵa qol qoıǵanyn jetkizdi, dep habarlaıdy "Adyrna" ulttyq portaly.

Bul týraly mınıstr óziniń feısbýk paraqshasynda jazdy.

"Keshe Almatyda qala mektepterinde oqıtyn respýblıkalyq olımpıadanyń jeńimpazdary men júldegerlerin quttyqtadym. Jeńimpazdarǵa dıplomdaryn tabystap, daryndy balalardyń suraqtaryna jaýap berdim. Memleket basshysy Qasym-Jomart Toqaev daryndy balalardy qoldaýǵa erekshe kóńil bóletinin atap ótkim keledi, — dep jazdy ol.

Mınıstrdiń aıtýynsha, jaqynda Prezıdent halyqaralyq pándik olımpıada jeńimpazdaryna birjolǵy aqshalaı tólemderdi tóleý normasyn qarastyratyn zańǵa qol qoıǵan. Zańǵa sáıkes endi altyn medal alǵan oqýshyǵa 1 500 AEK, kúmis medalǵa 1 000 AEK, qola medalǵa 500 AEK kóleminde aqshalaı syıaqy beriledi.
Oqýshylardy jarysqa daıyndaǵan pedagogterge de birjolǵy syıaqy beriledi.

Odan bólek, halyqaralyq olımpıadalardyń jeńimpazdary men júldegerlerine qazaqstandyq JOO-ǵa túsý úshin avtomatty túrde granttar beriledi.

"Adyrna" ulttyq portaly.

Pikirler