Qazaqstanda äielderdı bölek vagonǧa jaiǧastyru jobasy qolǧa alynǧannan keiın er adamdar "Qazaqstan temırjoly" ūlttyq kompaniiasyna aryz jaza bastady. Būl turaly kompaniianyŋ būqaralyq aqparat qūraldarymen jūmys jönındegı departament direktory Qaisar Jūmabaiūly aitty, dep habarlaidy «Adyrna» ūlttyq portaly.
Aita keteiık, 2018 jyly "Talgo" poiyzynda bolǧan äieldı zorlau oqiǧasynan keiın halyq arasynda äielderge arnalǧan kupelerdı engızu bastamasy köterıldı. 2021 jyly äielderge arnalǧan vagondar jobasy qolǧa alynǧan bolatyn.
"Ökınışke qarai, er adamdardyŋ arasynda mūndai vagondar qūqyǧymyzdy şekteidı dep aryzdanǧandar da tabyldy. Äielder osy bastamany qyzu qoldady. Erler bırınşı bolyp qoldauy kerek qoi", - deidı Jūmabaiūly.
Onyŋ sözıne qaraǧanda, jaŋa bastamany dınmen bailanystyrǧan er adamdar da bar. Bıraq ondai normanyŋ dınge eşbır qatysy joq. Būl – tek qauıpsızdık mäselesı. Qazırgı kezde äielderge arnalǧan vagondar bes baǧytta qatynaidy. Olar:
Almaty - Maŋǧystau;
Almaty - Öskemen;
Almaty - Aqtöbe;
Nūr-Sūltan - Şymkent;
Almaty - Maŋǧystau.
Aldaǧy uaqytta ūlttyq kompaniia taldau jūmystaryn ötkızıp, qajet bolǧan jaǧdaida äielderge arnalǧan vagondardy arttyrudy qarastyryp otyr. Ortaq jäne äielder vagondarynyŋ baǧasy bırdei.
Alaida jolauşylar tasymalyna joǧary sūranys bolǧanda, mäselen, jazǧy uaqytta mqndai vagondardy ūiymdastyru qiynǧa soǧady.
«Adyrna» ūlttyq portaly
