17 mamyrda «Deutsche Allgemeine Zeitung» bas redaktory, Almaty qalasy Qazaqstan halqy Assambleıasy Jýrnalıster klýbynyń tóraıymy Klımenko Olesıa Sergeevna Qazaqstan ınjenerlik-tehnologııalyq ýnıversıtetine kelip, ujymmen jáne stýdenttermen kezdesti.
Bul jıynda Memleket basshysy usynǵan saıası jáne quqyqtyq reformalar keńinen talqylandy. Jıynnyń ashylýynda Qazaqstan ınjenerlik-tehnologııalyq ýnıversıtetiniń rektory Gúlnar Sársenbekova aldaǵy ótetin referendýmnyń el tarıhy úshin mańyzdylyǵyn atap, Konstıtýııaǵa ózgerister men tolyqtyrýlar engizý jóninde referendým demokratııalyq joldyń aıqyn kórinisi degen pikirin bildirdi.
El bolashaǵynda mańyzdy oryn alatyn referendým jaıly kezdesý ótkizýge arnaıy kelgen «Deutsche Allgemeine Zeitung» bas redaktory, Almaty qalasy Qazaqstan halqy Assambleıasy Jýrnalıster klýbynyń tóraıymy Klımenko Olesıa Sergeevnaǵa alǵysyn jetkizdi.
"QazITÝ ujymynyń Jańa Qazaqstandy qurý jolyndaǵy demokratııalyq ózgerister úshin daýys berýge belsendiligi zor. Memleket basshysynyń Qazaqstan Konstıtýııasyna ózgerister men tolyqtyrýlar engizý boıynsha respýblıkalyq referendým ótkizý týraly bastamasyn qoldaıdy jáne barsha qazaqstandyqtardy 5 maýsymdaǵy referendýmǵa qatysýǵa shaqyrady. Referendým qoǵamnyń demokratııalyq proesterge aralasýyna, Jańa Qazaqstandy qurý jolyndaǵy demokratııalyq ózgeristerge jol ashýǵa úlken múmkindik", - deıdi rektor Gúlnar Álibekqyzy.
Óz kezeginde Olesıa Klımenko Konstıtýııaǵa usynylyp otyrǵan ózgerister men tolyqtyrýlar árbir azamattyń negizgi quqyqtary men kepildikterin, qoǵamdaǵy turaqtylyq pen birlikti qorǵaýǵa baǵyttalǵanyn aıtty. Mundaı referendým tarıhı sát ekenin, táýelsiz Qazaqstan tarıhynda oryn alyp otyrǵan erekshe saıası mańyzdy ózgeristerdiń negizi ekenin jetkizdi. Professor, f.ǵ.k., Kotosheva Kaını Kenjetaıqyzy, úlken eldik ózgeristiń, damýdyń jańa kezeńiniń dańǵyl jolyna túsken Qazaqstannyń ár turǵyny úshin referendýmda daýys berý óte mańyzdy dep sanaıdy. Bul jıynda stýdentter de óz oılaryn ortaǵa saldy.
Baqylaý keńesiniń múshesi , QazITÝ-dyń 2 kýrs stýdenti Baqdáýlet Ertýǵanov ózgerister men jańǵyrýlarǵa jol ashatyn referendýmda, ásirese, jastardyń jaýapkershilik sezinýi mańyzdy dep esepteıdi. Bolashaq - jastardyń qolynda, búgingi árbir atqarar isimiz jarqyn bolashaqtyń irgesin qalaýǵa negiz bolýy kerek deıdi. Ol óz zamandastaryn jarqyn bolashaq úshin daýys berýge shaqyrdy.
