QR Premer-Mınıstri Álıhan Smaıylovtyń tóraǵalyǵymen ótken Úkimettiń kezekti otyrysynda avtojol salasyn damytý máseleleri qaraldy. QR ındýstrııa jáne ınfraqurylymdyq damý mınıstri Qaıyrbek Óskenbaev, Almaty oblysynyń ákimi Qanat Bozymbaev, Jambyl oblysynyń ákimi Nurjan Nurjigitov, Atyraý oblysynyń ákimi Serik Shápkenov baıandama jasady.
Indýstrııa jáne ınfraqurylymdyq damý mınıstrliginiń derekterine sáıkes, elimizdiń avtomobıl joldarynyń jalpy uzyndyǵy 96 myń shaqyrymdy quraıdy, onyń ishinde 25 myń km – respýblıkalyq mańyzy bar joldar, 71 myń km — oblystyq jáne aýdandyq mańyzy bar joldar. 2025 jylǵa deıin normatıvtik talaptarǵa sáıkes respýblıkalyq mańyzy bar joldardyń úlesin 100%-ǵa, jergilikti joldardyń osyndaı úlesin 95%-ǵa deıin jetkizý kózdelgen.
Premer-Mınıstrdiń aıtýynsha, aqyly júıege aýysyp jatqan joldardyń jaǵdaıyna qatysty halyqtyń shaǵymy da bar. Osyǵan oraı «QazAvtoJol» UK» AQ-ǵa joldardy kútip-ustaý sapasy men qaýipsizdigi boıynsha jumysty kúsheıtý tapsyryldy.
Dúnıejúzilik ekonomıkalyq forýmnyń derekterine sáıkes, Qazaqstan jol sapasy jaǵynan álemde 93-orynda.
«Memleket basshysy joldardyń nashar jaǵdaıyn birneshe ret aıtty. Árbir ákim óńirdegi joldardyń jaı-kúıine tikeleı jaýapty ekenin atap ótkim keledi», — dedi Álıhan Smaıylov.
«Adyrna» ulttyq portaly
