«Qazaqstan halqyna» qory tırek-qozǧalys apparatynda aqauy bar balalardy robottandyrylǧan qūrylǧylarmen (ekzoskelet) qamtamasyz etu boiynşa qaiyrymdylyq baǧdarlamasyn ıske qosty, dep habarlaidy «Adyrna» tılşısı.
«Tehnikalyq oŋaltu qūraldaryn, onyŋ ışınde ekzoskeletterdı balalary üşın qajet etetın ata-analardan 300-den astam ötınış kelıp tüstı. Baǧdarlama aiasynda jyl soŋyna deiın 13 ekzoskelet şyǧaru josparlansa, onyŋ 4-euı boiynşa ölşeu jürgızılıp, öndırıs prosesı jandandy»,– delıngen habarlamada.
13 balany ekzoskeletpen qamtamasyz etu üşın «Qazaqstan halqyna» qory 117 million teŋge bölıp otyr.
Ekzoskeletter – būl serebraldy sal auruy, mi jaraqaty, jūlyn jaraqattary, paraplegiia, būlşyqet distrofiiasy, Rett sindromy jäne basqa da aurularmen auyratyn balalardyŋ öz betınşe qozǧaluyna kömektesetın zamanaui, joǧary tehnologiialyq jäne tiımdı oŋaltu qūraly.
«Adyrna» ūlttyq portaly
