Himiiadan 56-şy Halyqaralyq Mendeleev olimpiadasynda qazaqstandyq oquşylar 3 kümıs, 5 qola medal jeŋıp aldy. Ziiatkerlık saiystar 9-16 mamyr aralyǧynda Taşkentte öttı dep habarlaidy “Adyrna” ūlttyq portaly BǦM baspasöz qyzmetıne sılteme jasap.
Qazaqstan qūramasy atynan Qaraǧandy, Aqtau, Nūr-Sūltan, Öskemen, Pavlodar jäne Aqtöbe oblystarynan 10 jäne 11-synyptardyŋ 12 oquşysy qatysty. Olar TMD, Baltyq jäne Oŋtüstık-Şyǧys Europa elderınıŋ qūrdastarymen bılım saiysynda baq synasty.
«Bılım jäne ǧylym ministrlıgı oquşylarymyzǧa basqa elderdegı qūrdastarymen bäsekelesuge mümkındıgın arttyru üşın barlyq jaǧdaidy jasap jatyr. Künı keşe balalarymyz alǧaş ret Fransiiadaǧy Düniejüzılık gimnaziadaǧa attanǧanyn bılesızder. Özbekstanda ötken Mendeleev olimpiadasynyŋ jüldegerlerı qabyldau emtihandaryn tapsyrmai-aq Reseidıŋ jetekşı joǧary oqu oryndarynda tegın oquǧa mümkındık alady. Qazaqstan qūramasyn el ışındegı olimpiadalardyŋ «elegınen» ötken oquşylar tanystyrdy. Taşkentke 2022 jylǧy respublikalyq olimpiadanyŋ jeŋımpazdary men jüldegerlerı bardy. Sondai-aq, olar – bırneşe ret oqu-jattyǧu jiyndarynda eŋ joǧary nätije körsetken olimpiadalyq rezervtıŋ müşelerı. Aita ketsek, biyl bız komandany üzdıkterdıŋ üzdıgı tanystyruy üşın barlyq deŋgeidegı olimpiadany ötkızu prosesın avtomattandyrdyq», – dedı «Daryn» respublikalyq ǧylymi-praktikalyq ortalyǧynyŋ direktory Timur Nūrkeşev.Himiia pänı boiynşa oquşylardyŋ Halyqaralyq Mendeleev olimpiadasy jyl saiyn jüzdegen talantty himikterdıŋ basyn qosady.
“Adyrna” ūlttyq portaly
