Aldaǵy 20 jylda Turan odaǵy týraly armandamaı-aq qoısaq bolady – Amangeldi Qurmetuly

3069

QR Prezıdenti Qasym-Jomart Toqaevtyń Túrkııaǵa sapary men onda kóterilgen máseleler týraly «Suraýy bar» Youtube arnasyndaǵy podkastta talqylanǵan. Belgili jýrnalıst, sarapshy Amangeldi Qurmetuly kópshilik aıtyp júrgen Turan Odaǵynyń yqtımaldyǵy týraly pikir bildirgen.

«Turan odaǵy máselesine kelsek, ázirge aldaǵy 20 jylda onyń múmkin emes ekenin kúlli Túrki memleketteri biledi. Óıtkeni túrki memleketteri uıymynyń óz damý baǵyty bar. Sonymen birge ekinshi deńgeıli memleketterdiń basshylary qandaı da bir áskerı odaqqa uıymdasa bastaý tike ózine qater tóndiretinin biledi. Sondyqtan Toqaevtyń Túrkııaǵa saparynda bul týraly áńgime boldy degenge sený qıyn», - dedi Amangeldi Qurmetuly.

Ol sonymen qatar túrki halyqtarynyń birige almaı kele jatqany tek búgin emes ekenin alǵa tartady.

«Sózdiń ashyǵyn aıtatyn bolsaq, sońǵy myń jylda túrki halyqtary judyryqtaı jumylyp áreket etken emes. Oǵyzdar, oǵyzdardyń ishinen seljuqtar bólindi. Árqaısy jeke-jeke. Qypshaq toby jeke ımperııa. Buryn bir qaýym bolǵan elderden etnostar bóline bastaǵan kezde passıonarlyq qýaty myqty taıpalardyń árqaısy óz múddesin qorǵady, árkim óz erkinshe memleket qurdy. Sonyń biri Osman ımperııasy, biri Altyn orda», - deıdi ol.

«Al qazirgi jaǵdaıǵa qarasaq sońǵy 30 jylda ODKB-dan (Ujymdyq qaýipsizdik sharty uıymy) basqa áskerı odaqtyń qurylǵanyn kórdińiz ba? Ujymdyq qaýipsizdik sharty degen – TMD  keńistigindegi shynaıylyǵynan góri dekloratıvtik sıpaty basym uıym. Al biz Túrki birligine kóbine mılıtarıstik, áskerı kúsh turǵysynan qaraımyz. Eger ózara yntymaq-birlikti nyǵaıtqymyz kelse eń birinshi saýda-ekonomıkalyq, odan keıin mádenı-gýmanıtarlyq odaq deńgeıine jetý kerek», - dep pikir bildirdi maman.

Shyǵarylymnyń tolyq nusqasyn tómendegi silteme arqyly kóre alasyz:

"Adyrna" ulttyq portaly

Pikirler
Redakııa tańdaýy