Qazaqstandyq jas tennisşıler halyqaralyq turnirlerde chempion atandy, dep habarlaidy “Adyrna” ūlttyq portaly.
Qazaqstan tennis federasiiasynyŋ mälımetınşe, Ystanbūl qalasynda törtınşı sanattaǧy ITF Juniors dodasynda Asyljan Arystanbekova men Aiia Nūpbai jūptyq synda top jardy.
Olar finalda qazaqstandyq Karina Jūmajanova - mysyrlyq Mariam İbrahimdı 6:1, 6:2 esebımen ūtty. Bır apta būryn Asyljan men Aiia Ystanbūlda osyndai jarysta üzdık şyqqan edı. 18 jasqa deiıngı tennisşıler arasynda Duşanbe qalasynda ötken däl osyndai halyqaralyq turnirde Artur Hairutdinov pen İslam Orynbasarǧa teŋ keler eşkım bolmady. Olar soŋǧy bäsekede Belarus ökılderı Artem Alekseichuk - German Dumşeden ailasyn asyrdy - 6:2, 7:5. İslamnyŋ absoliuttı chempion atanatyndai mümkındıgı boldy. Degenmen ol jekelei synda finalda reseilık Oleg Kolninovqa jol berdı. Qyzdar arasynda qazaqstandyqtar Qaraqat Qoilybaeva men Raisa Petrovskaia finalǧa deiın jetıp, reseilıkter Varvara Panşina - Milina Subhankulovaǧa ese jıberdı - 2:6, 3:6. Sloveniiada 14 jasqa deiıngıler arasynda ekınşı sanattaǧy Tennis Europe - Grawe Open seriiasymen ötken dodada Damir Jalǧasbai jūptyq synda chempiondyq ataqqa qol jetkızdı. Ol ukrainalyq Nikita Belozertsevpen bırge finalda üş setke sozylǧan tartysty matchta jarystyŋ altynşy raketkalary, şvesiialyq Linus Anderson - daniialyq Mads Brunhabidı jeŋdı - 4:6, 6:2, 10:4.
”Adyrna” ūlttyq portaly
Ūqsas jaŋalyqtar
