Úsh uıyqtasam túsime kirmegen jaǵdaı boldy. Óz-ózim bolyp, eshkimdi qaralamaı, kórgenimdi jazyp, paraqshama saldym. Bas aıaǵy ár postyma laık qoıatyn otyz shaqty oqyrmanym bar. Bolǵany. Sodan ne boldy deısiz?
Iá, ártúrli pablıkter meniń jazbamdy jarysa saldy. Má, qatty marqaıyp qaldym. Biraq...
Álgi qýanyshym sý sepkendeı basyldy. Sebebi, hıdjab kıgen áıelder úre túregelip, erleri shalqalarynan tústi.
Negatıv jazdy. Tipti adamnyń jaǵasyn ustaıtyndaı las oılaryn jazdy…
Ol meniń ǵana oıym. Men óz oıymdy aıtýǵa quqylymyn. Oǵan meniń azamattyq ta, rýhanı quqyǵym bar.
Ókinishke oraı, kóńilge qatty tıgen nárseni aıtqym kelip otyr. Ol ne deısizder ǵoı? Hıdjab kııýdi quptaıtyn adamdardyń jazbalary… Allany aıta otyryp meni qarǵalap, balaǵattap jatqandary… Mine, syrty bútin, ishi tútin degen osy. Ómirimde birinshi ret qatty kóńilim qalyp tańǵaldym! Shoshydym! Sebebi, ımany berik adam eshqashan eshkimdi qarǵap, silemeıdi. Adamsha meıirimdi túrde oıyn qosar edi.
Qazaq qazaq bolyp qalýy kerek!
Áıgerim BASShYBEK.
