Saıasatker Dosym Sátpaev Qazaqstan Túrkııamen áskerı-saıası baılanystardy nyǵaıtyp, ony Reseı men Qytaıǵa qatysty geosaıası jáne ekonomıkalyq tepe-teńdikti qurý jónindegi sharalardyń mańyzdy bóligi retinde qarastyrý kerektigin aıtty dep habarlaıdy "Adyrna" ulttyq portaly.
«Qazaqstan kelesi haos aımaǵy ma? Ýkraınadaǵy áskerı jetistikteriniń bolmaýy jáne oǵan lend-lızıng aıasynda Batystyń kómegi Reseıdiń mańyzdy áskerı, qarjylyq, aqparattyq-nasıhattyq jáne basqa resýrstaryn ózine tartyp, Kremldiń Qazaqstanǵa qaraýyna mursha bermeıdi. Al, eger qaraı qalatyn jaǵdaı bolsa, onda taǵy da Reseıge kez- kelgen jaǵdaıda Qytaıdyń Qazaqstandaǵy jáne Ortalyq Azııadaǵy geosaıası jáne geoekonomıkalyq múddelerin eskerýge týra keledi.
Biraq Qazaqstan Túrkııamen áskerı-saıası baılanystardy nyǵaıtyp, ony Reseı men Qytaıǵa qatysty geosaıası jáne ekonomıkalyq tepe-teńdikti qurý jónindegi sharalardyń mańyzdy bóligi retinde qarastyra otyryp, kez kelgen yqtımal jaǵymsyz senarıılerge daıyn bolýy kerek. Onyń ústine, Qazaqstan kóptegen osal jerleri boıynsha 2014 jylǵy Ýkraınany qatty eske túsiredi. Álsiz qaýipsizdik júıesinen bastap qoǵamdaǵy bólinisti ulǵaıtyp, halyqtyń biregeıligine syzat túsirýge qumartyp otyrǵan reseılik propagandalyq arnalardyń teris áserine deıin», - deıdi saıasatker Dosym Sátpaev.
Басқалармен бөлісе отырыңыз
