Almatydaǧy bırınşı synyp oquşysy zorlanǧan jekemenşık mektepte arnaiy komissiia köptegen zaŋ būzuşylyqtardy anyqtady, dep habarlaidy "Adyrna" ūlttyq portaly KTK arnasyna sılteme jasap.
Bılım mekemesın tekseru üşın balalar qūqyǧyn qorǧau komitetınıŋ töraǧasy men Bılım ministrlıgınıŋ ştattan tys keŋesşısı keldı. Mektepte qauıpsızdık şaralary, sanitarlyq-gigienalyq jäne basqa da erejeler saqtalmaǧan bolyp şyqty.— Beinekameralar boiynşa bırqatar zaŋbūzuşylyqtar, sanitarlyq-gigienalyq talaptardyŋ būzyluy bar. Sondai-aq mekteptı jaryqtandyru, qūjattamany jürgızu boiynşa da. Oqu-tärbie prosesınde de bırqatar būzuşylyqtar anyqtaldy. Al bügınde ıstıŋ barlyǧy bılım sapasyn baqylau komitetıne berıldı, – deidı QR Bılım jäne ǧylym ministrlıgı Balalardyŋ qūqyqtaryn qorǧau komitetınıŋ töraǧasy Esenǧazy İmanǧaliev.
Eske salsaq, bılım mekemesıne qatysty aiyp ata-analardyŋ bırı bırneşe kün būryn taqqan edı. Bırınşı synyp oquşysynyŋ äkesı ūlynyŋ denesınen kögergen jerlerdı baiqaǧan, keiın onyŋ kiımınen aq tüstı belgısız daqtardy baiqaǧan.Äkesınıŋ aituynşa, balasyn mektep äjethanasynda zorlaǧan soŋ, ol polisiiaǧa jügıngen. Er adam tek joǧary synyp oquşylaryn ǧana emes, olardyŋ ata-analaryn da, mektep direktory men mūǧalımderın de jazalaudy talap etedı. Qazır zardap şekken balamen psihologtar jūmys ıstep jatyr.
"Adyrna" ūlttyq portaly.
