Bügın Parlament Mäjılısınıŋ deputaty Saiasat Nūrbek Europadaǧy qauıpsızdık jäne yntymaqtastyq jönındegı ūiymnyŋ Demokratiialyq instituttar jäne adam qūqyqtary biurosy delegasiiasymen kezdesıp, referendum kezınde bırlese jūmys atqaruǧa kelıstı, dep habarlaidy "Adyrna" ūlttyq portaly.
Būl turaly deputat öz feisbuk paraqşasynda jazdy.
"Respublikamyzdaǧy sailau kezeŋındegı Demokratiialyq instituttar jäne adam qūqyqtary biurosynyŋ dästürlı baqylauynyŋ bız üşın maŋyzy zor. Soŋǧy jyldary bırlesken jūmysymyzdyŋ arqasynda serıktestıgımız nyǧaia tüskenın atap ötkım keledı.
6 mamyr künı SIM türlı halyqaralyq ūiymdarmen qatar Europadaǧy qauıpsızdık jäne yntymaqtastyq jönındegı ūiymyna da aldaǧy referendumnyŋ ötuın baqylau üşın şaqyrtu jıbergen bolatyn. Kezdesu barysynda bız azamattarymyzdyŋ sailau qūqyǧy saqtaluy üşın aşyqtyq saiasatyn ūstanatynymyz jaily söz boldy. Osy oraida sailau nauqandaryn joǧary demokratiialyq standarttarǧa sai ötkızuımızge yqpaldastyq tanytyp, baqylauǧa kömek körsetıp jürgen bırneşe jyldyq EQYŪ serıktestıgımızge asa zor maŋyz beretınımız aityldy.
OSK aldaǧy referendumdy halyqaralyq ūiymdar men Europadaǧy qauıpsızdık jäne yntymaqtastyq jönındegı ūiymnyŋ ūsynystaryn eskere otyryp, joǧarǧy deŋgeide ötkızıp şyǧatynyna senımız mol", — dep jazdy ol.
Saiasat Nūrbek — deputat ǧana emes, öz pıkırın aşyq bıldıretın, sauatty politolog, ūltjandy azamat. Osyndai saiasatkerler Jaŋa Qazaqstannyŋ örkendep, damuyna atsalyssa, älem bızdıŋ elımızdı būdan da artyq qūrmettep, tanityn bolady.
Nätijesınde türlı halyqaralyq ūiymdar Qazaqstanmen serıktes bolyp, yntymaqtastyq qatynastar nyǧaiady.
"Adyrna" ūlttyq portaly
