Künı keşe ǧana Säbit Şontaqbaev qūtqaryp qalǧan Nūr-Sūltan qalasyndaǧy köpqabatty päterlerdıŋ bırınde balkonǧa ılınıp tūrǧan üş jasar Aizerenı anasy jalǧyz özı tärbielep otyrǧandyǧy belgılı boldy. Qazır qyzdyŋ jaǧdaiy qalypty, därıger tekserıp, qoldau körsetken, dep habarlaidy "Adyrna" ūlttyq portaly "Azattyq rýhy" saityna sılteme jasap.
Aty-jönderın jazbauymyzdy sūraǧan körşılerınıŋ sözınşe, Aizerenıŋ anasy balabaqşada tärbieşı bolyp jūmys ısteidı. Ol kün saiyn kışkentai balasyn özımen bırge jūmysqa alyp ketetın. Al keşe ol qyzyn jien ınısıne qaldyryp ketıptı.«Özderın anda-mūnda ǧana köremız. Anasy asa köp söilemeidı, jūmysqa baryp kelıp jüredı. Päter özınıkı. Keşe jien ınısıne qaldyryp ketken eken, ol bolsa özınıŋ jūmystarymen syrtqa şyǧyp ketıptı. Osy uaqytta balaqai terezege şyǧyp alǧan. Balany perıştesı qaqty degen osy şyǧar. Bızdıŋ özımız jerden qarap tūryp, aiaq-qolymyz dırıldep, jüregımız dürsıldep tūrdy. Keşegı Säbit pen Saǧiǧa deiın de jas jıgıtter qūtqarmaq bolyp, 8-qabatta üidıŋ esıgın būza almai tūrǧan. Auyldyŋ jıgıtterı yldym-jyldym şyǧyp, balaqaidy qaǧyp aldy. Sol uaqyttyŋ özıne 15-20 minut kettı. Aizerenıŋ myqtylyǧyna täntı boldyq. Bala emes pe, keşe keşte osynda tük bolmaǧandai asyr salyp, oinap jürdı», – deidı körşılerı. Aizerenıŋ üiıne baryp jaǧdaiyn bıleiık dep edık, bıraq esıktı eşkım aşpady. Körşılerınıŋ aituynşa, anasy qyzyn qūtqaryp qalǧan Säbit Şontaqbaevty marapattau räsımıne de qatyspady deidı.
«Keşe osy tūrǧyn üidıŋ adamdary jinalyp, Säbitke öz raqmetımızdı aittyq. Bıraq anasy ol şaraǧa qatyspady. Bälkım, köpşılıktıŋ aldyna şyǧuǧa qysylǧan bolar. Mūnda jalǧyzbasty ananyŋ jaǧdaiyn tüsınuge tyrysu kerek şyǧar. Jazym degen aiaq astynan ǧoi. Otbasyn asyraityn joldasy bolǧanda mūndai bolmaityn ba edı?! Jalǧyz äieldı kınälai beru dūrys emes. Men de jalǧyzbasty anamyn. Aizerenıŋ anasynyŋ jaǧdaiyn öte jaqsy tüsınemın», – dedı körşısı.Qoǧamdyq densaulyq saqtau basqarmasynyŋ mälımetınşe, oqiǧadan keiın bala men anasy balalar auruhanasyna jügıngen.
«Büldırşındı beiındı därıgerler qarap, rentgen jasady. Nätijelerı jaqsy, balanyŋ eşqandai jaraqaty joq. Sondai-aq basqarma ökılderı psihologtardyŋ keŋesı, balaǧa äleumettık qyzmetkerlerdıŋ kömegı nemese basqa da medisinalyq kömek qajettıgın anyqtau üşın balanyŋ anasymen tıldestı. Qajet bolǧan jaǧdaida būl otbasyna barlyq medisinalyq kömek pen mamandardyŋ keŋesı tolyq kölemde körsetıletın bolady», – dedı baspasöz qyzmetı.Al qalalyq PD baspasöz qyzmetı mūndai jaǧdaida balanyŋ ata-anasyna qandai jaza qoldanylatyny turaly mälımet bermedı.
"Adyrna" ūlttyq portaly
