Almatydaǧy Qarasu şaǧyn audanynda tört jasar bala anasymen jäne jetı ailyq äpkesımen dalada oinaǧan. Äiel närestenıŋ kiımın auystyryp kelgende, ūlyn tappai qalǧan. Bala şūŋqyrǧa qūlap ketken, dep habarlaidy "Adyrna" ūlttyq portaly.
Sol jerden ötıp bara jatqan kuäger balany qūtqarmaq bolǧanymen ülgermegen. Bala şūŋqyrdyŋ betıne qalqyp şyǧyp, es-tüssız jatqan. Basqa jolauşylar da kömektesuge tyrysqanymen, qaita tırıltu jäne jasandy tynys alu äreketterı de nätije bermeptı.Alatau audandyq prokuraturasy apattyŋ energiia tiımdılıgın arttyru jäne infraqūrylymdy damytu basqarmasy tapsyrǧan kärızdık sorǧy stansasynyŋ qūrylys alaŋynda oryn alǧanyn habarlady. Sorǧy stansasyn ornatu jūmystaryn ekı merdıger kompaniia jürgızdı. Olar jūmysty 2021 jyldyŋ jeltoqsan aiynda aiaqtauy kerek bolǧan. Qazır prokuratura būl qūrylysqa qatysty barlyq qūjattamany tekserıp, tapsyrys beruşı men merdıgerlerdıŋ äreketıne baǧa beretın bolady.
"Adyrna" ūlttyq portaly.
