Türkiia Prezidentınıŋ rezidensiiasynda resmi delegasiia müşelerınıŋ qatysuymen Memleket basşysy Qasym-Jomart Toqaev pen Prezident Rejep Taiip Erdoǧan kelıssöz ötkızdı, dep habarlaidy “Adyrna” ūlttyq portaly Aqordanyŋ baspasöz qyzmetıne sılteme jasap.
Türkiia Prezidentı ekı el arasyndaǧy qarym-qatynasty jaŋa deŋgeige köteruge äzır ekenın atap ötıp, Qazaqstanda jürgızılıp jatqan reformalardy qoldaitynyn aitty.
Taraptar Qazaqstan men Türkiia arasyndaǧy strategiialyq serıktestıktı odan ary damytudyŋ perspektivalaryn jan-jaqty talqylady. Sauda-ekonomikalyq, investisiialyq jäne mädeni-gumanitarlyq bailanystardy nyǧaituǧa erekşe köŋıl bölındı.
Sonymen qatar memleketter basşylary ǧalamdyq jäne aimaqtyq özektı mäselelerdı qarastyryp, halyqaralyq qūrylymdardaǧy özara yntymaqtastyqty talqylady.
Qasym-Jomart Toqaev türık elınde körsetılgen qūrmet pen qonaqjailyǧy üşın Rejep Taiip Erdoǧanǧa rizaşylyǧyn bıldırdı. Sonymen qatar bauyrlas türık jerıne aiaq basqanda ärdaiym öz üiımızge kelgendei sezınetındıgımızdı, Qazaqstan atajūrt bolsa, Anadoly ekınşı otanymyz dep bıletındıgımızdı jetkızdı.
– Bügınde Türkiia saiasi, äleumettık-ekonomikalyq jäne mädeni-gumanitarlyq damuda orasan tabystarǧa qol jetkızdı. Öŋırlık jäne jahandyq maŋyzy zor mäselelerdı şeşudegı belsendılıgı men tabandylyǧy arqyly älemdık sahnada laiyqty orynǧa ie boldy. Osy tūsta, qadırlı Rejep myrza, quatty Türkiia elınıŋ armanyn arqalaǧan saiasatker retınde eŋbegıŋızdıŋ ärdaiym jemıstı boluyna tılektespın. Türkiia – Qazaqstannyŋ Euraziia qūrlyǧyndaǧy eŋ maŋyzdy ärı senımdı serıktesterınıŋ bırı. Elderımız arasyndaǧy ortaq tarih pen ruhani mūraǧa negızdelgen qarym-qatynastarymyz bügınde örıstep, strategiialyq serıktestık deŋgeiınde ılgerılep keledı. Qazaq halqynyŋ «Bailyqtan artyq dostyq bar, dostyqtan artyq bailyq joq» degen ūlaǧatty sözderı Sızdıŋ şynaiy dosymyz, tılektes bauyrymyz ekenıŋızdı aişyqtaidy, – dedı Memleket basşysy.Qazaqstan Prezidentı ekı el arasyndaǧy diplomatiialyq qatynastarǧa 30 jyl tolǧanyn atap ötıp, qazırgı taŋda Türkiia Qazaqstannyŋ jetekşı sauda serıktesterınıŋ bırıne ainalǧanyn aitty. Qasym-Jomart Toqaev myzǧymas dostyqqa, tatu bauyrlastyq pen strategiialyq yqpaldastyqqa negızdelgen Qazaqstan men Türkiia arasyndaǧy köpjaqty bailanystardyŋ qarqyndy damyp kele jatqanyna arnaiy toqtaldy.
– Türkiia – Qazaqstannyŋ negızgı 5 sauda serıktesınıŋ bırı. Alys-berısımız jyldan jylǧa artyp keledı. Mysaly, 2021 jyly 5 milliard dollarǧa jetken. Osy qarqyndy azaitpai, sauda-sattyqty 10 milliard dollarǧa jetkızuımız kerek. Būdan bölek, Türkiia Qazaqstannyŋ eŋ ırı 10 investorynyŋ qatarynda. Ekonomikamyzǧa 4 milliard dollardan astam investisiia qūidy. Qazaqstannyŋ Türkiiaǧa salǧan kapitaly – 1 milliard dollardan astam. Soŋǧy ekı jylda Qazaqstanda 16 investisiialyq joba jüzege asyryldy. Qazır 10 jaŋa joba pysyqtalyp jatyr. Qazaqstanda jasyl ekonomika, IT-tehnologiia, ǧaryş, öndırıs siiaqty salalar tolyq igerılmegen. Sızderdı osy salalarda bırlese jūmys ısteuge şaqyramyn. Bız türık investorlarynyŋ barlyq bastamasyn qoldauǧa jäne olarǧa qolaily jaǧdai jasauǧa daiynbyz. Men erteŋ Türkiianyŋ ırı investorlarymen kezdesetın boldym. Onda investisiialyq yntymaqtastyqty damytudyŋ joldaryn talqylaimyz. Kezdesudıŋ qorytyndysy boiynşa bırqatar kommersiialyq kelısım-şarttarǧa qol qoiylady. Olardyŋ jalpy somasy 1 milliard dollar bolmaq, – dedı Qasym-Jomart Toqaev.
Türkiia Prezidentı ekı el arasyndaǧy qarym-qatynasty jaŋa deŋgeige köteruge äzır ekenın atap ötıp, Qazaqstanda jürgızılıp jatqan reformalardy qoldaitynyn aitty.
– Bız ärıptestıgımızdı keŋeitılgen strategiialyq serıktestık deŋgeiıne köterdık. Türkiia men Qazaqstan – ortaq tarih, tıl, dın jäne mädeni qūndylyqtardan quat alǧan ärı myqty bailanys ornatqan bauyrlas memleketter. Bız Türkiia elı Qazaqstannyŋ tūraqtylyǧy men tynyştyǧyna erekşe köŋıl bölemız. Sızdıŋ Jaŋa Qazaqstandy qūru jolyndaǧy küş-jıgerıŋız ben tabandylyǧyŋyzdy qūrmetteimın. Osy baǧyttaǧy auqymdy reformalaryŋyzdy qoldaimyn, – dedı Rejep Taiip Erdoǧan.Kelıssöz barysynda öŋdeu jäne qaita öŋdeu önerkäsıbı, qūrylys salasyndaǧy jäne agroönerkäsıp keşenındegı bırlesken investisiialyq jobalardy jüzege asyru, kölık-tranzittık serıktestıktı nyǧaitu, Transkaspii halyqaralyq kölık baǧdarynyŋ äleuetın tolyq paidalanu mäselelerı keŋınen talqylandy. Sifrlandyru jäne ozyq tehnologiialar, turizm jäne bılım beru salalaryndaǧy özara yqpaldastyqqa nazar audaryldy. Sondai-aq Türkiia tarapyna ırgelı tehnikalyq universitetterınıŋ filialdaryn Qazaqstanda aşuǧa ūsynys aityldy. Söz soŋynda prezidentter kelıssöz nätijelerın ekı el arasyndaǧy san qyrly qatynastardy keŋeitılgen strategiialyq serıktestık deŋgeiıne köterudıŋ bırden-bır mümkındıgı retınde atap öttı. Kelıssöz qorytyndysy boiynşa Qazaqstan Respublikasynyŋ Prezidentı Qasym-Jomart Toqaev pen Türkiia Respublikasynyŋ Prezidentı Rejep Taiip Erdoǧan keŋeitılgen strategiialyq serıktestık turaly bırlesken mälımdemege qol qoidy. Sonymen bırge memleketter basşylarynyŋ qatysuymen resmi delegasiialardyŋ müşelerı mynadai qūjattarǧa qol qoidy:
1. Qazaqstan Respublikasy Mädeniet jäne sport ministrlıgı men Türkiia Respublikasynyŋ Prezidentı janyndaǧy memlekettık arhivter basqarmasy arasyndaǧy yntymaqtastyq turaly hattama. 2. Qazaqstan respublikasy Aqparat jäne qoǧamdyq damu ministrlıgı men Türkiia Respublikasy Prezidentınıŋ apparaty janyndaǧy kommunikasiia basqarmasy arasyndaǧy BAQ salasy boiynşa yntymaqtastyq turaly memorandum. 3. Qazaqstan Respublikasynyŋ Ükımetı men Türkiia Respublikasynyŋ Ükımetı arasyndaǧy halyqaralyq qūramdastyrylǧan jük tasymaldary turaly kelısım. 4. Qazaqstan Respublikasy men Türkiia Respublikasy arasyndaǧy körsetıletın qyzmetter saudasy turaly kelısımge Tehnikalyq tapsyrma. 5. Qazaqstan Respublikasynyŋ Ükımetı men Türkiia Respublikasynyŋ Ükımetı arasyndaǧy aqparat almasu ısın ūiymdastyru jäne kedendık baqylau räsımderın oŋailatu turaly kelısım. 6. Qazaqstan Respublikasy Ekologiia, geologiia jäne tabiǧi resurstar ministrlıgınıŋ Orman şaruaşylyǧy jäne januarlar düniesı komitetı men Türkiia Respublikasy Auyl jäne orman şaruaşylyǧy ministrlıgınıŋ Orman şaruaşylyǧy bas basqarmasy arasyndaǧy orman şaruaşylyǧy salasy boiynşa özara yntymaqtastyq turaly memorandum. 7. Qazaqstan Respublikasynyŋ Ükımetı men Türkiia Respublikasynyŋ Ükımetı arasyndaǧy ösımdıkter karantinı jäne olardy qorǧau salasy boiynşa yntymaqtastyq turaly kelısım. 8. Qazaqstan Respublikasy Sifrlyq damu, innovasiialar jäne aeroǧaryş önerkäsıbı ministrlıgı men Türkiia Respublikasy İndustriia jäne tehnologiia ministrlıgı arasyndaǧy aqparattyq tehnologiialar salalary boiynşa yntymaqtastyq turaly memorandum. 9. Qazaqstan Respublikasynyŋ Ükımetı men Türkiia Respublikasynyŋ Ükımetı arasyndaǧy äskeri barlau salasy boiynşa yntymaqtastyq turaly hattama. 10. Qazaqstan Respublikasynyŋ Ükımetı men Türkiia Respublikasynyŋ Ükımetı arasyndaǧy äskeri arhivter, äskeri tarih, muzeitanu jäne äskeri jariialanymdar salalary boiynşa yntymaqtastyq turaly hattama. 11. Qazaqstan Respublikasynyŋ Ükımetı men Türkiia Respublikasynyŋ Ükımetı arasyndaǧy bılım beru salasy boiynşa yntymaqtastyq turaly kelısım. 12. Qazaqstan Respublikasy Mädeniet jäne sport ministrlıgı men Türkiia Respublikasy Mädeniet jäne turizm ministrlıgı arasyndaǧy kinematografiia salasy boiynşa özara tüsınıstık turaly memorandum. 13. Qazaqstan Respublikasy Aqparat jäne qoǧamdyq damu ministrlıgı men Türkiia Respublikasy Jastar jäne sport ministrlıgı arasyndaǧy jastar saiasaty salasy boiynşa özara tüsınıstık turaly memorandum. 14. Qazaqstan Respublikasy Ekologiia, geologiia jäne tabiǧi resurstar ministrlıgı men Türkiia Respublikasy Qorşaǧan orta, urbanizasiia jäne klimattyŋ özgeruı ministrlıgı arasyndaǧy qorşaǧan ortany qorǧau salasy boiynşa yntymaqtastyq turaly özara tüsınıstık memorandumy.
”Adyrna” ūlttyq portaly
