Elimizde barlyq aýyl turǵyny 1 shildeden bastap medıınalyq tekseristen ótedi. Bul týraly Densaýlyq saqtaý mınıstri Ajar Ǵınııat birqatar oblys aýdany men monoqalalarynyń bas dárigerlerimen kezdesý barysynda aıtty, dep habarlaıdy «Adyrna» tilshisi.
«Negizgi medıınalyq, ınfraqurylymdyq, tehnologııalyq resýrstar qalalarda shoǵyrlanǵan jaǵdaılarda aýyl turǵyndary áli de bilikti medıınalyq qyzmetter, mamandandyrylǵan kómek alýda qıyndyqtarǵa tap bolady. Bizdiń ortaq mindetimiz - árbir ómir úshin kúresý, adam qaı jerde tursa da, ol bizdiń paıent bolyp qala beredi, al dáriger oǵan eń qajetti kómek kórsetýi tıis", - dedi ol keńeske qatysýshylarǵa arnaǵan sózinde.
Mınıstrdiń aıtýynsha, kóptegen problemanyń tarıhı tamyry bar, olar jyldar boıy sozylyp, búginde densaýlyq saqtaý salasyna úlken júkteme túsirýde. Bul kadr tapshylyǵy, medıınalyq obektilerdiń fızıkalyq tozýy, jol-kólik qatynasynyń álsizdigi, aýylda medıınalyq tehnıkamen jaraqtandyrýdyń tómendigi.
Osyǵan baılanysty, Mınıstrlik aýyl turǵyndaryn bastapqy dıagnostıkamen qamtýdy arttyrýǵa baǵyttalǵan birqatar is-sharalardy iske asyryp jatqanyn, ol úshin barlyq jastaǵy aýyl turǵyndaryn profılaktıkalyq tekserý júrgizý týraly buıryqtyń jobasy ázirlengenin habarlady. Tekseris 1 shildeden bastap iske qosylmaq.
Budan basqa, aýylda medıınalyq kómektiń qoljetimdiligin jaqsartý úshin densaýlyq saqtaý uıymdary jelisiniń memlekettik normatıvi, medıınalyq kómek kórsetý standarttary qaıta qarastyrylyp, kólik medıınasynyń arsenaly kúsheıtiledi.
«Adyrna» ulttyq portaly
