Qazaqstandyq biznesmen jäne "Qazatomprom" kompaniiasynyŋ būrynǧy basşysy Mūhtar Jäkışev "Forbes Kazakhstan" iutub-kanalyna bergen sūhbatynda bilıkke barǧysy kelmeitının, endı köp uaqytyn otbasyna jäne öz käsıbıne arnaitynyn aitty, dep habarlaidy "Adyrna" ūlttyq portaly.
"Qazaqstan halqy sızdı saiasatta körgısı keledı. Sız būl turaly ne oilaisyz?" degen jurnalistıŋ saualyna biznesmen bylai dep jauap berdı:
– Men eşqaşan saiasatta bolǧan emespın, ärqaşan menedjer boldym. Men üşın bilık būl mümkındık emes, keibıreulerge siiaqty, eŋ aldymen, jauapkerşılık. Būl salada jūmys uaqyty köp, bos uaqyt az bolady. Men özıme jäne otbasyma az uaqyt bölemın. Men otbasymdy köp körmedım: türmede otyrǧanda qūndylyqtaryŋ özgeredı. Tūtqyndauǧa deiın ırı kompaniialardyŋ prezidentterımen, ärtürlı elderdıŋ prezidentterımen kezdesuler qūndy dep sanaldy. Bıraq sız türmede bolǧan kezde mūnyŋ eşqaisysy maŋyzdy emes ekenın tüsıne bastaisyz, — dedı ol.Jäkışev türmege tüskende ūly 9 jasta bolypty, odan keiın ol ūly 20-ǧa tolǧanda ǧana qauyşqan.
— Men türmeden şyqqanda, onyŋ men turaly estelıkterınde tek bızdıŋ bırge balyq aulauǧa barǧanymyz ǧana boldy. Balalar äkesız östı, olarda ortaq eşteŋe bolmady, öitkenı men joqpyn. Sonda prezidenttermen osynşa kezdesuler, kelısım-şarttar - kımge kerek?! Jūrt maǧan elge kerek ekenımdı aitty, bıraq aqyry menı türmege tyqty ǧoi. Sony oilasam, qazır būryn maŋyzdy dep oilaǧan närsem müldem maŋyzdy emes bolyp şyqty. Būl 11 jyl türmede otyryp jasaǧan tūjyrymym. Bälkım, bilık keibıreuler üşın esırtkı şyǧar. Bıraq men üşın būl ülken jauapkerşılık, — dedı M. Jäkışev.Biznesmen endı bilıkke oralǧysy kelmeitının aitty. Halyqtyŋ sözı üşın endı altyn uaqyty men ömırın qūr ötkızgısı kelmeidı. — Būl bilık ne üşın kerek? Men bilıkke barǧym kelmeidı. Negızı maǧan bilıkten eşteŋe kerek emes. Maǧan tek erkındık kerek, men taqqa qyzyqpaimyn. Jeke käsıbım bar, sonymen ainalysamyn, — dedı ol.
"Adyrna" ūlttyq portaly.
