Qazaqstandyq, reseılik jáne kanadalyq tólqujaty bar áıel Qazaqstan Respýblıkasynyń Azamattyq týraly zańnamasyn buzǵany úshin memlekettik shekaradan ótý kezinde "Úrlitóbe" shekaralyq baqylaý bólimshesiniń ótkizý pýnktinde ustaldy, dep habarlaıdy "Adyrna" ulttyq portaly.
Ustalǵan áıel sotta 2017 jyldyń qarashasynda Kanada azamattyǵyn alǵanyn, al 2022 jyldyń naýryzynda Reseı azamattyǵyn alǵanyn aıtqan. Biraq qazaqstandyq tólqujatyn ótkizbegen jáne shetel azamattyǵyn alǵanyn aıtpaǵan.
"Áıel adam zańnan beıhabar bolǵanyn aıtyp, tolyǵymen kinásin moıyndady. Jalǵyz uly men nemeresi Kanadada turatynyn, al Qazaqstanda týystary joǵyn aıtyp, elden shyǵarmaýyn surady", - dedi Pavlodar oblsynyń Jelezın aýdandyq sotynyń baspasóz qyzmeti ókilderi.
"Sot áıeldi Ákimshilik quqyq buzýshylyq kodeksiniń 496-babynyń 2-bóligi boıynsha kináli dep tanyp, Qazaqstannan shyǵaryp jiberý túrinde ákimshilik jazaǵa tartyldy", - delingen habarlamada.
Sot úkimi zańdy kúshine endi. Sot qujatynda zań buzǵan áıel Qazaqstannan 10 táýlik ishinde ketýi keregi aıtylǵan.
"Adyrna" ulttyq portaly.
