Búgin túngi saǵat 03.54-te Aqmola oblysy Krasnyı Iar aýylynda eki qabatty úı órtenip, saldarynan tórt adam qaza tapty, dep habarlaıdy "Adyrna" ulttyq portaly "aikyn.kz"-ke silteme jasap.
Aqmola oblysy Tótenshe jaǵdaılar departamentiniń málimetinshe, oqıǵa ornyna órt sóndirýshiler úsh mınýtta jetken. Qutqarýshylar kelgenshe 1964 jyly týǵan áıel men onyń 2015 jyly týǵan nemeresi tereze arqyly páterden shyǵyp úlgergen.
— Órt ornynan 1991 jyly týǵan er jáne 1993 jyly týǵan áıel adamnyń, sondaı-aq eki balanyń denesi tabyldy, – deıdi qutqarýshylar.
Órt aýdany 50 sharshy metr bolatyn páterden shyqqan. Elektr symdaryndaǵy aqaý órtke sebep bolýy múmkin. Órtti 13 qyzmetker men úsh tehnıkamen sóndirdi.
Oqıǵadan bir kún buryn úıdegi elektr symdary aýystyrylǵan. Ájesi men nemeresi shetki bólmede, erli-zaıyptylar egiz balasymen elektr symy aýystyrylǵan bólmede bolǵan.
"Adyrna" ulttyq portaly
