"Konstitusiiadan Nazarbaevtyŋ tarihi rölı jönındegı bap alynyp tastaldy. Endıgärı Tūŋǧyş Prezidenttıŋ de, ekınşı Prezidenttıŋ de, odan keiıngı Prezidentterdıŋ de esımı Konstitusiiada jazylmaidy. "Prezident märtebesı turaly" Zaŋ qabyldanbaidy. Osylaişa, jeke basqa tabynuşylyqty, maqtanuşylyqty boldyrmau qolǧa alynyp, jaŋa dästür qalyptasady". Būl pıkırdı QR Parlamentı Mäjılısınıŋ deputaty Berık Äbdıǧaliūly Adyrna.kz ūlttyq portalynyŋ tılşısıne bergen sūhbatynda aitty.
Berık Äbdıǧaliūlynyŋ aituynşa, Memleket basşysyna būl şeşımdı qabyldau oŋaiǧa soqpady.
"Öitkenı, ötkendegı jūmys toby Memleket basşysyna “Tūŋǧyş Prezidenttıŋ tarihi rölın körsetıp, Konstitusiiada “täuelsız Qazaqstannyŋ negızın qalauşy” dep bekıteiık degen ūsynys bıldırgennen keiın atalmyş şeşım qabyldanǧan bolatyn. Alaida būl qoǧamda qyzu talqyǧa tüsıp, köp syni pıkır aityldy. Türlı kelıspeuşılıkter oryn aldy. "Nazarbaevtyŋ eŋbegın jazatyn bolsaq Konstitusiiaǧa emes, kıtaptarǧa jazaiyq, oqulyqtarǧa jazaiyq, kino tüsıreiık. Bıraq, onyŋ esımı Konstitusiiada bolmauy kerek” degen pıkır köp bolǧasyn Memleket basşysy özı üşın osyndai qiyn şeşımge kelıp otyr", - deidı saiasatker.Saiasatkerdıŋ saraptauynşa, Toqaev köpşılıktıŋ aitqanymen kelısıp, şyn mänınde "Konstitusiia aldynda bärı teŋ bolsyn" dep keleşek ūrpaq üşın maŋyzdy qadam jasady.
"Endıgärı Tūŋǧyş Prezidenttıŋ de, ekınşı Prezidenttıŋ de, odan keiıngı Prezidentterdıŋ de esımı Konstitusiiada jazylmaidy. "Prezident märtebesı turaly" Zaŋ qabyldanbaidy. Bolaşaqta da, qazırgı künnıŋ özınde de bärı Konstitusiia aldynda teŋ boluy kerek. Osyndai maŋyzdy şeşımge kelse kerek. Toqaev būǧan deiın de "Prezident tuysqandaryn lauazymdy qyzmetke tartudy doǧaru kerek, endı ondai qatelıkter eşqaşan qaitalanbasyn, keiıngı prezidentterge sabaq bolsyn" degen saiasi jäne moraldık şeşım qabyldaǧan bolatyn", - dep atap öttı Mäjılıs deputaty.Berık Äbdıǧaliūlynyŋ aituynşa, Toqaev osylaişa senım men adaldyqqa negızdelgen dästür, saiasi mädeniet qalyptastyrmaqşy.
"El ışınde eŋ bastysy tazalyq boluy kerek, bärı teŋ boluy kerek, taza boluy kerek" degen saiasi mädeniet qalyptastyruǧa baǧyttalǧan qadam ǧoi. Demokratiia jäne saiasi moraldyq közqaras tūrǧysynan alyp qarasaq, būl Konstitusiiada Nazarbaevtyŋ elge jasaǧan eŋbegın syzyp tastau degendı bıldırmeidı. Ärine, Täuelsızdık alǧan jyldary, äsırese alǧaşqy onjyldyqta şekaralar anyqtauda ol kısınıŋ eŋbegı sıŋdı. Bıraq ol tek kıtaptarda, oqulyqtarda jazyluy kerek", - deidı Berık Äbdıǧaliūly.Mäjılıs deputatynyŋ mälımdeuınşe, būl eşkımdı kemsıtu de, joqqa şyǧaru emes.
"Ärine Memleket basşysyna renjitınder tabylady. Bıraq myna närsenı dūrys tüsınuımız kerek. Ol kısı eşkımdı kemsıtıp jatqan joq. Bırınşı Prezidenttı jamandap jatqan joq. Barlyq jauapkerşılıktı öz moinyna alyp, batyl da parasatty şeşım qabyldady dep esepteimın. Erteŋ būny halyq qoldasa, eger Konstitusiia bekıtılse, onda būl jaqsy saiasi ürdıs bolady. Bolaşaqta Prezidenttıŋ esımı Konstitusiiaǧa jazylmaidy, onyŋ erekşe märtebesı Zaŋda körsetılmeidı. Jeke basqa tabynuşylyqty, maqtanuşylyqty boldyrmau qolǧa alynyp, jaŋa dästür qalyptasady. Osyndai bır maŋyzdy saiasi qadam jasap jatyrmyz", - dep tolyqtyrdy sözın Berık Äbdıǧaliūly.
Zarina ÄŞIRBEK,
"Adyrna" ūlttyq portaly
