"Shyńǵa órleý" áleýmettik klýbynyń Jetisý aýdandyq bóliminde 03.05.22 kúni kórnekti ǵalym, fılosofııa ǵylymdarynyń doktory, Ulttyq Ǵylym Akademııasynyń akademıgi, KSRO Joǵary mektebiniń eńbek sińirgen qaıratkeri Dosmuhambet Kishibekovpen kezdesý ótkizildi, dep habarlaıdy «Adyrna» tilshisi.
Kesh barysynda ǵasyrǵa jýyq ǵumyrynda qazaq eliniń basyna kelgen náýbetterdiń bárinen aman ótken abyz qarııa ózin qorshaı jaýdyryp otyrǵandardyń 6- 9 jasar ekenin birden baǵdarlap, sol jas deńgeıindegilerge sińimdi dáristi oqydy.
Ata sóziniń aldynda klýbtyń ustaz tálimgeri Gúlzııa Saıasatqyzy Aýkashova ǵylym ǵana emes eńbek, soǵys ardageriniń qaıtalanbas ǵumyrnamasyn tárbıelenýshilerge baıandap ótken edi.
«Bizdiń halqymyz álemdegi eń ómirsheń, oıshyl da ozyq halyq. Olardyń búkil dúnıetanymy, salty, dástúri, ustanymy, tynys- tirshiligi - fılosofııa. Senderdiń osyndaı klýbta ájeleriń qatar ustaz- tálimgerlerden tálim alyp jatqandaryńnyń ózi ulttyq sananyń, ulttyq fılosofııanyń jemisi»,– dedi qarııa.
Óz kezekterinde baldyrǵandar da «Bizdiń jasymyzda ósirgen qaýyn sorttary qazir bar ma?», «Qazir ertegiler oqyp júrmin, taǵy ne oqýyma bolady?» syndy túrli suraqty qoıdy.
Ózderine túsinikti jaýaptaryn alǵan oqýshylar kesh barysynda ustazdaryna qosylyp án shyrqap, kúı shertti.
Kezdesýde júrgizýshi ustaz - tálimger abyz qarııadan «Elińizdiń bolashaǵyna, jastar bolashaǵyna senesiz be?» degen saýal berdi.
«Maǵan deıingi qazaq tulǵalarynyń arasynda eldiń, jastartyń bolashaǵyna senbegeni kemde- kem. Babalar amanaty sózsiz aqtalady»,– dedi ol.
Kezdesý sońynda klýb tárbıelenýshileri ózderiniń bolashaqta kim bolatyndyǵy , qandaı mamandyqty, kásipti qalaıtyndyqtaryn kezek-kezek oryndarynan turyp atap shyqty da, atalarynan bata surady. Baldyrǵandar abyzben estelik sýretke tústi de, úılerine tarasty.
