Memleket basşysy Qasym-Jomart Toqaev Qapşaǧai atauyn Qonaev dep özgertu turaly jarlyqqa qol qoidy, - dep habarlaidy "Adyrna" tılşısı Aqordanyŋ baspasöz qyzmetıne sılteme jasap.
«Memleket basşysy «Almaty oblysyndaǧy Qapşaǧai qalasyn Qonaev qalasy dep atau turaly» Jarlyqqa qol qoidy», - delıngen habarlamada.Jarlyq alǧaşqy resmi jariialanǧan künınen bastap qoldanysqa engızıledı. Nauryz aiynyŋ ortasynda Memleket basşysy halyqqa Joldauynda, eger halyq osyndai bastama köterse, Qapşaǧai qalasynyŋ atyn Qonaev dep özgertu turaly ūsynysqa qosyluǧa daiyn ekenın mälımdedı.
«Qapşaǧai qalasy halqymyzdyŋ körnektı qairatkerı Dınmūhamed Qonaevtyŋ esımımen tyǧyz bailanysty. Eger halyq Qapşaǧaidyŋ atyn onyŋ qūrmetıne özgertudı ūsynsa, men de būl pıkırge qosylamyn», - dedı ol.Keiın qala atauyn özgertu turaly ūsynysty mäslihat deputattary qoldap, jergılıktı tūrǧyndar da öz pıkırlerın bıldırdı.
"Adyrna" ūlttyq portaly
