Túrkistan oblysynda kúdikti er adam áıelin kámeletke tolmaǵan balalarynyń kózinshe óltirip tastady. Qazir balalarǵa psıhologııalyq kómek kórsetilip jatyr. Aımaqtaǵy polıııa departamenti baspasóz qyzmetiniń málimetinshe, qylmystyq oqıǵa 29 sáýir kúni túngi saǵat 02:45 shamasynda bolǵan. Oqıǵa ornyna jetken polıııa qyzmetkerleri otbasylyq janjal kezinde áıel kúıeýiniń salǵan dene jaraqattarynan qaıtys bolǵanyn anyqtaǵan, dep jazady "Adyrna" ulttyq portaly aikyn.kz-ke silteme jasap.
«Atalǵan jaıt Ordabasy aýdandyq ishki ister bóliminde Qylmystyq kodekstiń 99-baby 1-bóligi «Kisi óltirý» boıynsha tirkeldi. Alynǵan zattaı dáleldemeler saraptamaǵa joldandy. Kúdikti óziniń áreketin moıyndap, ókinishin bildirýde. Qazirgi tańda sotqa deıingi tergep-tekserý amaldary júrgizilip jatyr. Tergeý barysynda bolǵan oqıǵanyń barlyq mán-jaıy anyqtalatyn bolady. Kúdikti er azamat qamaýǵa alynǵan» delingen habarlamada.
Sonymen qatar, kúdikti dep tanylǵan Ordabasy aýdanynyń turǵyny polıııa bóliminde eshqandaı profılaktıkalyq esepte turmaǵany belgili boldy. Osy kúnge deıin kórshilerden nemese týystarynan qandaı da bir otbasylyq janjal týraly eshqandaı aryz-shaǵym túspegen.
Ákimdik qyzmetkerleri men polıııa bóliminiń basshylyǵy jábirlenýshiniń týystarymen kezdesip, túsindirý jumystaryn júrgizdi. Erli-zaıyptylardyń ata-analary kámeletke tolmaǵan tórt balany óz qamqorlyqtaryna alatynyn aıtyp otyr. Polıııa men ákimdik tarapynan otbasyna barlyq qajetti kómek kórsetý sharalary qatań baqylaýǵa alyndy.
"Adyrna" ulttyq portaly
