Sybailas jemqorlyqqa qarsy qyzmet Atyrau oblysy äkımınıŋ orynbasary Baqytgül Hamenovany tergeuge qatysty pıkır bıldırdı, dep jazady "Adyrna" ūlttyq portaly.
Stan.kz habarlauynşa, ötken jyldyŋ 11 jeltoqsanynda Atyrau oblysy äkımınıŋ orynbasary Hamenovanyŋ ūstalǧany habarlanǧan bolatyn. Ol 22 jeltoqsanda uaqytşa ūstau izoliatoryna qamaldy. Alaida sodan berı tergeu turaly eşteŋe belgısız.
Sybailas jemqorlyqqa qarsy qyzmet būl ıs älı tekserılıp jatqanyn habarlady.
"Agenttık Atyrau oblysy äkımınıŋ orynbasary B.K. Hamenovaǧa qatysty Qylmystyq kodekstıŋ 366-baby 3-bölıgınıŋ 2-tarmaǧy boiynşa aldyn ala söz bailasu boiynşa adamdar tobynda qomaqty mölşerde para alu deregı boiynşa qylmystyq ıstı tergep jatyr. Qazırgı uaqytta Hamenova qamauda otyr", – dedı vedomstvoda.Vedomstvo Qylmystyq ıs jürgızu kodeksınıŋ 201-babynyŋ 1-bölıgıne säikes sotqa deiıngı tergep-tekseru derekterı jariia etıluge jatpaitynyn atap öttı.
"Eger būl tergeu müddelerıne qaişy kelmese jäne basqa adamdardyŋ qūqyqtary men zaŋdy müddelerın būzumen bailanysty bolmasa, olar prokurordyŋ rūqsatymen, ol mümkın dep sanaityn şamada ǧana jariia etıluı mümkın. Joǧaryda aitylǧandardyŋ negızınde, sondai-aq sızdıŋ qylmystyq proseske qatysuşy emes ekenıŋızdı eskere otyryp, B.K. Hamenovaǧa qatysty sotqa deiıngı tergep-tekseru turaly basqa mälımetter jariialanbaidy", – dedı Qylmystyq ıs jürgızu basqarmasynyŋ bastyǧy Qanat Süleimenov.Baqytgül Hamenova 2020 jyldyŋ 13 nauryzynda oblys äkımınıŋ orynbasary bolyp taǧaiyndaldy. Būǧan deiın VI şaqyrylymdaǧy Parlament Mäjılısınıŋ deputaty bolǧan.
"Adyrna" ūlttyq portaly
