Sybaılas jemqorlyqqa qarsy qyzmet Atyraý oblysy ákiminiń orynbasary Baqytgúl Hamenovany tergeýge qatysty pikir bildirdi, dep jazady "Adyrna" ulttyq portaly.
Stan.kz habarlaýynsha, ótken jyldyń 11 jeltoqsanynda Atyraý oblysy ákiminiń orynbasary Hamenovanyń ustalǵany habarlanǵan bolatyn. Ol 22 jeltoqsanda ýaqytsha ustaý ızolıatoryna qamaldy. Alaıda sodan beri tergeý týraly eshteńe belgisiz.
Sybaılas jemqorlyqqa qarsy qyzmet bul is áli tekserilip jatqanyn habarlady.
"Agenttik Atyraý oblysy ákiminiń orynbasary B.K. Hamenovaǵa qatysty Qylmystyq kodekstiń 366-baby 3-bóliginiń 2-tarmaǵy boıynsha aldyn ala sóz baılasý boıynsha adamdar tobynda qomaqty mólsherde para alý deregi boıynsha qylmystyq isti tergep jatyr. Qazirgi ýaqytta Hamenova qamaýda otyr", – dedi vedomstvoda.
Vedomstvo Qylmystyq is júrgizý kodeksiniń 201-babynyń 1-bóligine sáıkes sotqa deıingi tergep-tekserý derekteri jarııa etilýge jatpaıtynyn atap ótti.
"Eger bul tergeý múddelerine qaıshy kelmese jáne basqa adamdardyń quqyqtary men zańdy múddelerin buzýmen baılanysty bolmasa, olar prokýrordyń ruqsatymen, ol múmkin dep sanaıtyn shamada ǵana jarııa etilýi múmkin. Joǵaryda aıtylǵandardyń negizinde, sondaı-aq sizdiń qylmystyq proeske qatysýshy emes ekenińizdi eskere otyryp, B.K. Hamenovaǵa qatysty sotqa deıingi tergep-tekserý týraly basqa málimetter jarııalanbaıdy", – dedi Qylmystyq is júrgizý basqarmasynyń bastyǵy Qanat Súleımenov.
Baqytgúl Hamenova 2020 jyldyń 13 naýryzynda oblys ákiminiń orynbasary bolyp taǵaıyndaldy. Buǵan deıin VI shaqyrylymdaǵy Parlament Májilisiniń depýtaty bolǵan.
"Adyrna" ulttyq portaly
