Shymkent: Júıeli jumys nátıje berýde

632

Shymkent qalasy ákiminiń apta saıynǵy aýdan belsendilerimen kezdesýleri jalǵasýda. Búgin Murat Áıtenov aýmaǵynda 34 eldi mekeni bar Abaı aýdany belsendi turǵyndarymen kezdesti.

«Ashyq dıalog» formatynda ótken basqosýǵa, máslıhat depýtattary, qoǵamdyq keńes músheleri, basqarma basshylary jáne aýdan máselelerimen jaqynnan tanys bolý maqsatynda qala prokýrory Ǵabıt Muqanov pen Polıııa departamentiniń basshysy Qaırat Dálbekov te qatysty.

Jıynda aýdandaǵy ózekti máselelerdiń sheshim joldary talqylandy.

Jyl basynan beri hattamalyq sıpat alǵan 110 máseleniń oryndalý barysyn aýdan ákimi B.Parmanov baıandady. Turǵyndar kótergen 41 másele óz sheshimin tapqan, 58 jumys barysynda, 11 tapsyrma uzaq merzimdi, 2025 jylǵa deıin júzege asyrylady.

Turǵyndardyń usynysy boıynsha «Altyntóbe» turǵyn alabyndaǵy Jamalov pen Nurlybaıuly kóshelerine asfalt tóseldi. Eldi mekendegi Ótebaı kóshesin asfalttaý boıynsha merdiger mekeme anyqtalýda. 2023 jyly Orazbaı kóshesi, 2024 jyly Satqanbaev, Yrsymbetov jáne Jastar kóshesi asfalttanady.

«Qyzyljar» shaǵynaýdanynan jańa áýejaı termınalǵa deıin 9,1 km káriz júıesiniń qurylys jumystary merdiger mekeme «BI Global» JShS tarapynan júrgizildi. Búgingi tańda, memlekettik akt, qabyldaý qujattary ázirlenýde.

«Aqjar» turǵyn alabyn sapaly ınternetpen qamtý maqsatynda mobıldi operatorlarmen bazalyq stanııasy ornatý kelisildi. Qazir bekitilgen jer telimin anyqtap zańdastyrý jumystary júrgizilýde.

"Bul jıyndar óz nátıjesin berýde. Sheshimin tapqan másele kóp desek, sheshim kútkeni odan da kóp. Eń bastysy, máselege at ústi qaramaı, túbegeıli zerdelep, jan-jaqty baǵalap baryp, sapaly túrde áreket jasaýymyz kerek. Sonda ǵana ol másele bolashaqta qaıtalanbaıtyn bolady"-degen shahar basshysy jıyn sońynda qatysýshylarǵa sáttilik tilep, alǵysyn bildirdi.

 

Pikirler
Redakııa tańdaýy