Reseilık Bırınşı arna Ukrainadaǧy soǧysqa qarsy şyqqan "Segodnia vecherom" baǧdarlamasynyŋ jürgızuşısı Maksim Galkindı baǧdarlamadan şettettı. Galkinnıŋ ornyna bişı Nikolai Siskaridze jürgızuşı bolyp keledı, dep habarlaidy "Adyrna" portaly "Komsomolskaia pravda" gazetıne sılteme jasap.
Juyrda "StarHit" Galkin soǧysqa bailanysty aitqan sözderı üşın baǧdarlamadan şettetıletının jazǧan. Telejurnalist Mariia Borzunova qūpiia derekközge süiene otyryp, reseilık äzılkeşpen kelısım-şarttyŋ üzıluı onyŋ soǧysqa qarsy mälımdemesımen tıkelei bailanysty ekenın aitqan. Arna resmi türde tüsınıkteme bermedı.
Ukrainada soǧys bastalǧaly berı Maksim Galkin Resei bilıgınıŋ äreketın synap, qantögıstı toqtatuǧa şaqyryp keledı. Qaqtyǧys tūsynda Maksim Galkin men äielı, änşı Alla Pugacheva Reseiden ketken.
Galkin – soǧys bastalǧaly berı efirden körınbei ketken jalǧyz federaldyq arna jürgızuşısı emes. Bırınşı arna Vladimir Pozner men İvan Urganttyŋ baǧdarlamalaryn da efirden alyp tastaǧan. "Chto? Gde? Kogda?" baǧdarlamasy tıkelei efirden berılmeitın bolǧan, al "Mojem obiasnit" basylymynyŋ jazuynşa, oiynǧa qatysyp jürgen köptegen jastar jobadan ketken, alty adamnan qūralǧan komandalardyŋ keibırınde bır-ekı adam ǧana qalǧan.
"Rossiia 1" arnasynda Sergei Brilevtıŋ "Vesti v subbotu" baǧdarlamasy da efirge şyqpai qalǧan. Resmi aqparat boiynşa, ol ıssaparǧa ketken.
"Adyrna" ūlttyq portaly
Ūqsas jaŋalyqtar
