Vaınerler Meıirjan Tórebaev pen Meıirhan Shernııazovty qamaýǵa alý merzimi uzartyldy. Sot sheshimimen olar taǵy eki aı qamaýda bolady, dep habarlaıdy "Adyrna" tilshisi.
"Tergeý sotynyń qaýlysymen tergeý organdarynyń ótinishi qanaǵattandyryldy. Shernııazov pen Tórebaevqa qatysty qamaýda ustaý merzimin eki aıǵa uzartý týraly sankııa berildi", - dep habarlaıdy Almaty qalalyq sotynyń baspasóz qyzmeti.
20 sáýirde Tórebaev pen Shernııazov 10 táýlikke qamaýǵa alyndy. Keıinirek Tórebaevtyń advokaty bultartpaý sharasyna qarsy shyǵyp, blogerdi úıqamaqqa qaldyrmaq boldy, al prokýror ony eki aıǵa qamaýǵa alýdy surady. Biraq sýdıa 10 táýlikke qamaýǵa alý túrindegi bultartpaý sharasyn ózgerissiz qaldyrdy.
Eske salaıyq, aqpan aıynda bloger Meıirjan Tórebaev pen akter Meıirhan Shernııazov qarjylyq pıramıda qurdy degen kúdikke ilingen bolatyn. Almatynyń tergeý soty olarǵa kepil túrindegi bultartpaý sharasyna sankııa berdi. Al qarjy pıramıdasynyń qatysýshylary bloger Meıirjan Tórebaevty bosatýdy surady. Al Rýstam Ábdirahmanov Vaıner Shernııazov ekeýine bultartpaý sharasy ne sebepti qamaýǵa alynǵanyn túsindirdi.
"Adyrna" ulttyq portaly
