Aqtóbedegi arnaıy mekemede aqyl-oıy kem balalar soqqyǵa jyǵylǵan. Prokýrorlar No1 áleýmettik qyzmet kórsetý ortalyǵyndaǵy zorlyq-zombylyq faktileri boıynsha tekserý jumystaryn bastady, dep habarlaıdy "Adyrna" tilshisi Aqtóbe oblysy prokýratýrasynyń baspasóz qyzmetine siltep.
Sáýirdiń 28-i kúni Aqtóbe qalasy Astana aýdanynyń prokýratýrasyna «No1 áleýmettik qyzmet kórsetý ortalyǵy» KMM-de balalardyń soqqyǵa jyǵylǵany týraly habar kelip tústi. Prokýratýra mekemede psıhıkalyq damýy tejelgen, erebraldy sal aýrýy, Daýn sındromy, barlyq dárejedegi psıhıkalyq damýy tejelgen balalar bar ekenin túsindirdi.
«Prokýrorlar dereý mekemege baryp, beınebaqylaý kameralaryn kórgennen keıin ortalyq qyzmetkerleri kámeletke tolmaǵan oqýshylardy birneshe ret uryp-soǵyp, basqa da zorlyq-zombylyq áreketterin jasaǵanyn anyqtady», - delingen habarlamada.
Aýdan prokýratýrasy QR Qylmystyq kodeksiniń 110-babynyń 2-bóligi «Azaptaý» boıynsha sotqa deıingi tergeý amaldaryn bastady. Qylmystyq is materıaldary Aqtóbe qalalyq IIB-ne jiberildi.
Tergeý amaldary júrgizilýde.
"Adyrna" ulttyq portaly
