QR Aqparat jáne qoǵamdyq damý mınıstrligi men «Azamattyq bastamalardy qoldaý ortalyǵynyń» qoldaýymen «Adyrna» qory «Jastardy áleýmettendirý jáne ońaltý» jobasy aıasynda TED-x formatyndaǵy konferenııa men talqylaý alańyn ótkizdi, dep habarlaıdy «Adyrna» ulttyq portaly.
Is-shara maqsaty — NEET jastarynyń qordalanǵan máseleleriniń sheshý joldaryn qarastyryp, jobalyq keńse tarapynan jastarǵa kómek berý. Sondaı-aq, jastardy bolashaq ómirine baǵyt berip, yntalandyrý jáne shyǵarmashylyq áleýetin damytý deıdi joba uıymdastyrýshysy.
«Jalpy, tehnıkalyq salalar boıynsha bizdiń elimizge kóbirek jastardyń kelgeni jaqsy. Jaratylystaný baǵyty boıynsha kóptegen mamandar jetispeıdi. Sonyń ornyn sheteldik mamandar toltyryp jatyr. Sol úshin jastarǵa kóbirek nasıhat kerek», — dedi «Adyrna» ulttyq-etnografııalyq birlestigi qoǵamdyq qorynyń jetekshisi Arman Áýbákir.
Is-shara spıkeri «Qazaqstan» ulttyq arnasy «Ashyq alań» baǵdarlamasynyń júrgizýshisi Maqsat Tolyqbaı jáne bloger, jýrnalıst Dáýlet Muqaev jastarǵa mansap jáne jeke ósý úshin ómirlik daǵdylardy damytýdaǵy tájirıbelerimen bólisti.
«Meniń bul jobadaǵy maqsatym “Áreketke bereket, adam bos jatpaı eńbektený kerek” degen ustanymmen ómiri jarqyn jaqqa ózgerip jatqan oqyrmandarymdy mysalǵa ala otyryp jastarǵa jiger berý, baǵyt-baǵdar berý»,-deıdi bloger, jýrnalıst Dáýlet Muqaev.
Kezdesý barysynda búgingi kúni eńbek naryǵyndaǵy qajetti mamandyqtar jáne qaı salany belsendi damytý kerek, jastardy kásipkerlik qyzmetke oqytý, kásipkerdiń qajetti daǵdylary, jastarǵa berilgen múmkindik pen sony qalaı durys paıdalaný kerektigi jaıynda sóz boldy.
«Jetistikke jetýdiń eshqandaı tóte joly joq. Bári eńbekpen keledi. Biz keıde uıyqtaǵandy jaqsy kóremiz. Biraq, jetistikke jetkiń kelse uıqy máselesin birinshi orynǵa qoıyp, erte turýdy úırený kerek. Ekinshi másele bilim. Qandaı da bir bıznes ashqyń kelse, bilim al, kýrstarǵa qatys. Qazir jastarǵa múmkindik kóp.»,- deıdi jýrnalıst Maqsat Tolyqbaı.
