Pavlodar oblysynda 20 ınternet-alaıaqtyq ashyldy, dep jazady "Adyrna" ulttyq portaly. Bul týraly Polisia.kz habarlady.
Pavlodar oblysynyń polıeıleri óńir aýmaǵynda 25-27 sáýir aralyǵynda joǵary tehnologııalar salasyndaǵy quqyq buzýshylyqtardy, zııatkerlik menshik quqyqtarynyń buzýshylyqtaryn, sondaı-aq kompıýterlik aqparatqa zańsyz qol jetkizýdi anyqtaý jáne jolyn kesý úshin “Kontrafakt” jedel aldyn alý is-sharasyn ótkizdi. Is-shara barysynda polıeıler DVD-dıskilerdiń stıhııalyq saýda oryndaryn jáne baǵdarlamalyq qamtamasyz etýdi, kompıýterlik klýbtar men ınternet-kafelerdi tekserýdi júzege asyrdy.
Osy is-sharany ótkizý nátıjeleri boıynsha jedel ýákilder 20 ınternet-alaıaqtyq, pornografııalyq materıaldardy zańsyz taratýdyń bir faktisi jáne kontrafaktilik ónimderdi taratýdyń 2 faktisin ashty.
– Mysaly, quqyqtyq tártip saqshylary aqparattyq júıelerdi paıdalaný arqyly bóten adamnyń atyna quny 787 myń teńge bolatyn qymbat smartfon satyp alý úshin shaǵyn nesıe berý uıymy arqyly taýarlyq onlaın-nesıe resimdegen 20 jastaǵy pavlodarlyq anyqtalyp, ustaldy. 10 epızod anyqtaldy. Oblys ortalyǵynyń taǵy bir 28 jastaǵy turǵyny aldaý jáne senimge qııanat jasaý jolymen, aqparattyq júıelerdi paıdalana otyryp, tanymal saıttardyń biri arqyly joq avtokólikti 350 myń teńgege satty – jeti epızody anyqtaldy. Atalǵan faktiler boıynsha Qazaqstan Respýblıkasy QK 190-baby 2-bóligi 4-tarmaǵy boıynsha sotqa deıingi tergeý júrgizilýde, – dep habarlady Pavlodar oblysy PD Krımınaldyq polıııa basqarmasynyń bastyǵy Balǵabaı Qaparov.
Budan basqa, polıııa qyzmetkerleri ınstagram áleýmettik jelisindegi akkaýntynan pornografııalyq materıaldardy stories arqyly zańsyz taratqan Jelezın aýdanynyń 23 jastaǵy turǵynyna qatysty Qazaqstan Respýblıkasy QK-niń 311-baby 1-bóligi boıynsha tergeý júrgizýde.
"Adyrna" ulttyq portaly
