Qazaqstandyq oqýshylar AQSh-ta ótken robottehnıka boıynsha chempıonatta bas júldege ıe boldy, - dep habarlaıdy “Adyrna” ulttyq portaly Tengrinews.kz saıtyna silteme jasap.
20-23 sáýir aralyǵynda Hıýstonda (AQSh) 7-9 jas aralyǵynda robottehnıka boıynsha FIRST LEGO LEAGUE álem chempıonaty ótti. 2022 jyly álemniń túkpir-túkpirinen kelgen oqýshylarǵa arnalǵan jarystyń taqyryby - júk tasymaly boldy.
Álemdik forýmda LEAS qosymsha bilim berý ortalyǵynyń atynan Qazaqstan komandasy óner kórsetti. Almatydan barǵan oqýshylar tıimdi júk tasymaldaryna baılanysty problemalardy sheshýdiń birneshe jolyn usyndy, olardyń arasynda drondary bar poıyz da boldy. Olar eń basty nomınaııada - Challenge Solution Award - "Eń úzdik jobalyq sheshim" boıynsha jeńiske jetti.
"Olar júk tasymaldaryn, júk tasymaldaýdyń qandaı tásilderi bar ekenin, basqa óńirlerde jetkizý qalaı jolǵa qoıylǵanyn, búginde qandaı ınnovaııalyq sheshimder bar ekenin zerttedi. Balalar ıdeıalar oılap taýyp, olardy muqııat pysyqtady. Uzaq ýaqyt daıyndaldy. Negizgi qıyndyqtardyń biri - aǵylshyn tilimen jumys jasaý dep aıtýǵa bolady. Bizdiń daıyndyq, kórsetken ıdeıamyz sýdıalarǵa úlken áser qaldyrdy, olar bizge tamasha pikirler jazdy", - dep bólisti Maqajanov tilshige bergen suhbatynda.
Robototehnıka boıynsha álem chempıonatynda álemniń túkpir-túkpirinen 60 komanda qatysty, alaıda qazaqstandyq balalardyń jobasy Eń úzdik ataqqa ıe boldy.
4D atty komandada almatylyq tórt bala - Denıel Kım, Demıd Boborenko, Danııal Muratov jáne Dıar Adam Aıbar boldy.
"Qazaqstandaǵy kóliktiń negizgi túrleriniń biri - temirjol. Úlken aýmaqta kóp qala joq, sondyqtan shaǵyn qalalarǵa taýap jetkizýdi jeńildetý úshin biz drondary bar poıyz jasadyq. Poıyz belgili bir stanııaǵa jaqyndaǵanda, drondar odan ushyp shyǵyp, arnaıy "dron qabyldaý bazasyna" barady. Sol jerge sálemdemelerdi qaldyryp, odan ary poıyzǵa oralady. Bul sálemdemelerdi jetkizýdi jáne óńdeýdi tezdetedi", - dep túsindirdi Danıel Kım.
Bul ıdeıaǵa amerıkalyq Google korporaııasy da qyzyǵýshylyq tanytyp otyrǵany aıtyldy. Qorporaııa ókilderi qazaqstandyq chempıondardy bolashaqta Google-ǵa jetekshi ınjener bolýǵa shaqyrǵan eken.
“Adyrna” ulttyq portaly
