“Gazpromdaǵy” jumbaq ólimderdiń syry nede?
«Gazprom» óz ishinen irip jatyr. Jyl basynan beri Reseıdegi eń iri gaz kompanııalary sanalatyn «Gazprom» jáne «Novatekke» qatysy bar tórt top-menedjer qaıtys boldy.
Tergeýshiler bolsa, jaǵdaıǵa «sýııd» degen baǵa berip, isti jyly jaýyp qoıa saldy. Munyń bári kóńilge kúdik uıalatpaı ma? Tizbektep kórelik.
Qańtardaǵy ólim. Qańtar aıynyń sońynda «Gazprom ınvest» kólik qyzmetiniń basshysy 60 jastaǵy Leonıd Shýlman qaıtys boldy. Menedjerdiń denesi Lenınskıı aýylynda (Lenıngrad oblysy) ornalasqan óz úıiniń jýynatyn bólmesinen tabyldy. Aldyn ala boljam boıynsha, ol ózin-ózi óltirgen.
Aqpandaǵy ólim. Shýlman oqıǵasynan shamamen bir aıdan keıin sol Lenınskııdegi elıtalyq aýyldardyń birinde «Gazprom» biryńǵaı esep aıyrysý ortalyǵynyń korporatıvtik qaýipsizdik jónindegi bas dırektorynyń orynbasary Aleksandr Tıýlıakovtyń máıiti tabyldy. Tergeýge sáıkes, Aleksandr da óz-ózine qol jumsaǵan.
Sondaı-aq máıittiń janynan ýmajdalǵan hat tabylǵan. Biraq ol hattyń mazmuny eshkimge jarııa etilmepti.
Sáýirdegi ólim. 18 sáýirde Máskeýdegi páterlerdiń birinde «Gazprombanktiń» burynǵy vıe-prezıdenti Vladıslav Avaev, sondaı-aq onyń áıeli men qyzy qaıtys boldy. Úsheýiniń de tapanshamen atyp óltirilgeni belgili boldy. Aldyn ala boljam boıynsha, Avaev jubaıynyń opasyzdyǵyn bilip qoıǵan-mys, sodan keıin aldymen áıeli men qyzyn óltirip, sosyn ózin-ózi atyp tastaǵan kórinedi.
Reseılik BAQ ókilderiniń habarlaýynsha, bul iske kináli retinde shuǵyl jaıdaıda Ýkraınaǵa ketip qalǵan Gazprombanktiń burynǵy vıe-prezıdenti Igor Volobýev aıyptalýda.
Aıtýynsha, ol Vladıslav Avaev (Gazprombanktiń birinshi vıe-prezıdenti) pen Sergeı Protasenıýdiń (NOVATEK gaz kompanııasy) ólimine qatysy bolýy múmkin.
Al birneshe kún buryn Ispanııanyń Lloret-de-Mar qalasynda ornalasqan úıde Novatek gaz kompanııasynyń burynǵy top-menedjeri Sergeı Protosenıdiń denesi tabyldy. Aldyn ala málimetke sáıkes, ol da óz áıeli men qyzyn pyshaqtap óltirgen.
Onyń uly Fedor bolsa, tergeý málimetterine senbeıtinin jetkizdi.
Pikirinshe, belgisiz adamdar onyń otbasyn óltirgen. Sebebi ákesi anasyn qatty jaqsy kórgenge uqsaıdy. Protosenıdiń dosy, kásipker Anatolıı Tımoshenko da dál osyndaı pikirde.
Al endi nege barlyq ólim birdeı senarııde degen zańdy suraq týyndaıdy. Demek, bul jerde biz bilmeıtin bylyqtyń bary anyq. Bálkim, «Gazpromnyń» ishinde ózara “taqtalastyq”, baqtalastyq bastalǵan bolar.
Qalaı bolǵanda úlken saıası oıyndardyń júrip jatqany anyq. Bul, birinen soń biri bolǵan tizbekti sýııdterdi kezdeısoqtyq deı almaımyz.
Oralbaı MERGENBAIULY,
“Adyrna” ulttyq portaly
