Shymkentte 39 jastaǵy er adamdy óz áıeli pedofıl dep aıyptady. Kelinshektiń aıtýynsha, ol 8 jasar týǵan qyzyna azǵyndyq jasaǵan dep habarlaıdy “Adyrna” ulttyq portaly stan.kz-ke silteme jasap.
Sumdyq jaıtty jetkinshektiń ózi anasyna aıtyp beripti. Polıeıler otaǵasyn birden ustaǵanymen, kóp uzamaı bosatqan.
Ashynǵan áıel istiń toqtatylýyna kúıeýiniń tergeýshi men prokýror týystary yqpal etken dep esepteıdi. Sondyqtan kúıeýiniń qaıtadan qamalýyn talap etip otyr. Alaıda tártip saqshylary jasóspirimge seksýaldy sıpattaǵy zorlyq-zombylyq kórsetý babymen is qozǵalyp, saraptama taǵaıyndalǵanyn jetkizdi.
Aty-jónin atamaýdy ótingen áıeldiń aıtýynsha, kúıeýiniń azǵyn ekenin aqpanda bilgen. Kórshi kelinshektermen serýendeýge shyqpaq bolǵanda qyzy úıde ákesimen jalǵyz ózin qaldyrmaýyn ótinip shyryldapty. Sebebin suraǵanda, sumdyq jaıtty aıtqan. Úsh ul men bir qyz tárbıelep otyrǵan áke jylǵa jýyq ýaqyt óz qyzyna bilgenin istep kelipti deıdi kelinshek.
«Men úıde joq kezde úlken balamdy baryp oınap kel dep ıgrotekaǵa jiberedi eken. Al kishkentaılar otyrady eken mýltfılmge qarap, istep otqan isine», – deıdi jábirlenýshi.
Muny estigen áıel dereý polıııa emes, ata-enesin shaqyrǵan. Biraq kúnige esirtki shegetin ony týystary «ózimiz emdep alamyz» dep arashalapty. Keıin uryp-soǵatyndy shyǵarǵan soń polıııaǵa aryz túsirdim deıdi.
«Tergeýshi jáne de prokýror barlyǵy bir aýyldan, keıin bildim bári bir aýyldan eken. Rýlas. Istiń barlyǵyn jyly jaýyp otyr. Bergen aıǵaqtardyń bárin joqqa shyǵaryp otyr. Sol kezde jańaǵy aıtty, men bul jaǵdaı pedofıldik úshin ary ketse 10 jyl otyramyn. 10 jyldan keıin báribir shyǵyp, seni jáne qyzymdy óltiremin dedi sol kezde», – deıdi áıel.
Asa aýyr aıyppen 10 jyl otyrmaq túgili, 10 kúnnen keıin erkindikke shyqqanyna zańgerler de ań-tań. Advokat Nurken Qalmyrzaev bul is boıynsha kýágerdiń bar ekenin aıtady. Biraq tergeýshi buǵan mán bermepti.
«Negizi, kýá bolǵan bir jasóspirim bala bar. Ony tergeýshige aıtqan deıdi. Biraq tergeýshi ony óziniń jaýap hattamasynda kórsetpegen. Prokýror óz qaýlysynda jazady sot saraptamalary daıyn bolmaýyna baılanysty osyndaı bosatylýǵa jatady dep. Al negizi mundaı jaǵdaıda zań boıynsha sozylýy kerek edi. Sebebi erteń ol saraptamany prokýror bilmeıdi ǵoı. Ol erteń qorytyndy beretinin mysaly», – deıdi advokat Nurken Qalmyrzaev.
Al polıeıler bolsa iske endi kirisip jatyr. Iaǵnı, tergeýshini aýystyryp, kýágerlerden jaýap alýdy bastapty. Saraptamalar da tolyq taǵaıyndalǵanyn jetkizdi. Biraq áli kúdikti qamalmaǵan.
«Kúıeýi jasóspirim qyzyna seksýaldy sıpattaǵy zorlyq-zombylyq áreketterin jasaǵany boıynsha kórsetken. Bul aryz birden Eńbekshi APB-nyń biryńǵaı tirkep tekserý tizimine tirkeldi. QR QK-niń 121-baby, 4-bóligi, ol seksýaldy sıpattaǵy zorlyq-zombylyq áreketter jasóspirimge jasalǵany týraly. Biraq sotqa deıingi tergeý amaldary jalǵasyp jatyr. Birneshe saraptamalar taǵaıyndaldy», – deıdi Shymkent qalalyq PD resmı ókili Saltanat Qarakózova.
Zań boıynsha kúdikti endi óz otbasyna jaqyndamaýy jáne qońyraý shalmaýy kerek. Áıtpese, birden qamalady. Biraq kúıeýiniń kúnige anasha shegetinin aıtqan áıeli odan ólerdeı qorqady. Taksı qyzmetinde isteıtin kúıeýim áketýi múmkin dep qyzyn da mektepke jiberýdi qoıypty.
“Adyrna” ulttyq portaly
