«Balapan» qyrǧyz balalaryn qazaqşa söilettı

Qyrǧyzstandaǧy balalar «Balapan» telearnasyn körıp, qazaqşa söilep üirengen. Olardyŋ qatarynda qyrǧyz deputaty Nūrjıgıt Qadyrbekovtıŋ qyzdary da bar. Būl turaly deputat Qyrǧyz Respublikasynyŋ Jogorku Keneş otyrysynda baiandaǧan.  Ol tek qazaq tılınde sapaly kontent ūsynatyn «Balapan» telearnasy qyrǧyz büldırşınderınıŋ ainymas serıgıne ainalǧanyn aitady. Sondai-aq, deputat joǧary mınberde «Balapan»-dy negızge alyp, qyrǧyz balalar telearnasyn da tek memlekettık tılderınde, qyrǧyzşa körsetetın kanal etıp özgertudı ūsynǧan. Sebebı, «Balastan» qazır qyrǧyz jäne orys tılderınde habar taratady. «Qazaqstan» telearnasynyŋ tılşısıne bergen arnaiy sūqbatynda deputat qyrǧyz büldırşınderı süiıp köretın «Balapan» arnasynyŋ qyzmetın joǧary baǧalap, ondaǧy jobalar otbasylyq qūndylyqtardy nasihattaitynyn jäne bala paiymyna laiyqtalyp jasalǧanyn atap öttı.

«Balapan» – būl eŋ myqty kanal. Balalardyŋ psihologiiasyn eske alyp daiarlanǧan. Kontentı äbden bai. Jaǧymdy. Tälım-tärbie, balalarǧa tarihty üiretıp otyrǧan baǧdarlamalar bar», - deidı Nūrjıgıt Qadyrbekov. 2010 jyly aşylǧan «Balapan» arnasyn bügınde Qazaqstan aumaǧynda jalpy eseppen 2 millionnan astam abonent köredı.

Osy uaqytqa deiın telearnada 302 telejoba, 21 telehikaia jäne jalpy bölım sany 3 myŋǧa juyq 103 animasiialyq joba jasalyp, efirden ötken. Airyqşa atap öterlıgı, «Balapan» Kantar kompaniiasy jürgızetın reiting jüiesı boiynşa otandyq üzdık 10 telearnanyŋ ışınde soŋǧy ekı jyl qatarynan 7-orynda tūr. Biyl da arnanyŋ balalarǧa ūsynar bazarlyǧy mol. Arna ūjymynyŋ aituynşa, efirden şyǧatyn tanymdyq, oiyn-sauyq baǧdarlamalar sany artady. Sonymen qatar, körermen közaiymyna ainalǧan «Toqty men Serke» animasiialyq jobasynyŋ jaŋa seriialary jasalyp jatyr eken. Biyl 100 jyldyǧy toilanyp jatqan jeztaŋdai änşı Roza Baǧlanovanyŋ jäne jarq etken maitalman sportşy Bekzat Sattarhanovtyŋ balalyq şaǧyna arnalǧan ädemı multhikaialar da jaŋa mausymda efirge şyǧady.

”Adyrna” ūlttyq portaly