Ūlttyq qauıpsızdık komitetı «Dikii Arman» degen atpen tanymal kriminal jetekşısı Arman Jūmageldiev pen Almaty qalalyq mäslihatynyŋ būrynǧy deputaty Qairat Qūdaibergennıŋ qazır qaida ekenın aitty, dep habarlaidy “Adyrna” ūlttyq portaly.
Komitettıŋ Tengrinews.kz saitynyŋ sūraǧyna joldanǧan jauabynda aitylǧandai, Q.Qūdaibergennıŋ qaida otyrǧany turaly aqparat Işkı ıster ministrlıgınıŋ qūzyrynda. «Arman Jūmageldievke qatysty, onyŋ Almaty qalasyndaǧy ŪQK-nıŋ tergeu izoliatorynda jalpy negızde, tiıstı normativtık qūqyqtyq aktılerdıŋ talaptaryn qataŋ saqtai otyryp, qamauda otyrǧanyn habarlaimyz. Oǧan qatysty ıstı Bas prokuraturanyŋ jetekşılıgımen vedomstvoaralyq jedel-tergeu toby tergep jatyr», - delıngen ŪQK habarlamasynda. Komitet olarda basqa aqparat joq ekenın aitty. Aita keteiık, ekı azamat ta 2022 jyldyŋ basynda Almatyda bolǧan qaŋtar oqiǧasy kezındegı jappai tärtıpsızdıkterdı ūiymdastyrdy jäne oǧan qatysty degen küdıkke ılıngen bolatyn. Tergeu nätijelerınde Qūdaibergennıŋ Jūmageldievpen bırge Almatydaǧy «Qazaqstan» qonaqüiınde adamdardy jinaǧanyn anyqtady. Tergeuşılerdıŋ aituynşa, Qūdaibergen Jūmageldievtıŋ töŋıregıne toptasyp, ony qoldauǧa jäne bilıkke ortaq talaptar qoiuǧa şaqyrǧan. Qairat Qūdaibergen 2022 jyldyŋ 22 säuırınde ūstalyp, sol künnen bastap qamauda otyr. Dikii Arman sol jyldyŋ 7 qaŋtarynda ūstaldy.“Adyrna” ūlttyq portaly
Ūqsas jaŋalyqtar
