Ulttyq qaýipsizdik komıteti «Dıkıı Arman» degen atpen tanymal krımınal jetekshisi Arman Jumageldıev pen Almaty qalalyq máslıhatynyń burynǵy depýtaty Qaırat Qudaıbergenniń qazir qaıda ekenin aıtty, dep habarlaıdy “Adyrna” ulttyq portaly.
Komıtettiń Tengrinews.kz saıtynyń suraǵyna joldanǵan jaýabynda aıtylǵandaı, Q.Qudaıbergenniń qaıda otyrǵany týraly aqparat Ishki ister mınıstrliginiń quzyrynda.
«Arman Jumageldıevke qatysty, onyń Almaty qalasyndaǵy UQK-niń tergeý ızolıatorynda jalpy negizde, tıisti normatıvtik quqyqtyq aktilerdiń talaptaryn qatań saqtaı otyryp, qamaýda otyrǵanyn habarlaımyz. Oǵan qatysty isti Bas prokýratýranyń jetekshiligimen vedomstvoaralyq jedel-tergeý toby tergep jatyr», - delingen UQK habarlamasynda.
Komıtet olarda basqa aqparat joq ekenin aıtty.
Aıta keteıik, eki azamat ta 2022 jyldyń basynda Almatyda bolǵan qańtar oqıǵasy kezindegi jappaı tártipsizdikterdi uıymdastyrdy jáne oǵan qatysty degen kúdikke ilingen bolatyn.
Tergeý nátıjelerinde Qudaıbergenniń Jumageldıevpen birge Almatydaǵy «Qazaqstan» qonaqúıinde adamdardy jınaǵanyn anyqtady. Tergeýshilerdiń aıtýynsha, Qudaıbergen Jumageldıevtiń tóńiregine toptasyp, ony qoldaýǵa jáne bılikke ortaq talaptar qoıýǵa shaqyrǵan.
Qaırat Qudaıbergen 2022 jyldyń 22 sáýirinde ustalyp, sol kúnnen bastap qamaýda otyr. Dıkıı Arman sol jyldyń 7 qańtarynda ustaldy.
“Adyrna” ulttyq portaly
