Blogerlerdiń qymbat turatyn kýrsyn satyp alyp, shaǵymdanyp jatqan Almatylyqtardyń qarasy kóbeıdi, dep habarlaıdy “Adyrna” ulttyq portaly Almaty telearnasyna silteme jasap.
Aıaqtalmaǵan kýrstardyń aqshasyn qaıtarýdy 20 adam talap etip otyr. Ol úshin olar kompanııanyń keńsesine basyp kirdi.
"Bul Pro-land kompanııasy. Oflaın sabaǵy 500 myń teńge turady. Sabaq negizi 70 kún ótýi kerek bolatyn. Biraq 2 aıǵa tolmaı, toqtap qaldy. Sabaq nege toqtap qalǵanyn eshkim túsindirgen joq. Ary qaraı ne bolady? Biz aqshany qaıtarýdy suradyq. Biraq olar habarlaspady, jaýap bermedi. Polıııa shaqyryp, aryz jazýǵa májbúr boldyq", - deıdi taǵy bir qala turǵyny Ǵazıza Baıdáýlet.
Pro-land keńsesiniń aldyna jınalǵandardyń aıtýynsha, olardyń arasynda basqa blogerden zardap shekkender de bar. Adamdar kýrsta alynǵan aqparattyń tıimsiz ekenin jáne olardyń úmitin aqtamaıtynyn aıtty.
"Juldyz Aqbolat hanymnyń kýrsyn alyp otyrmyz, tegin vebınar dedi. Jaraıdy dedik. Aqyry aqsha tabý úshin júrgen adam bolǵandyqtan. Biz sııaqty qanshama adam jylap otyr", - deıdi qala turǵyny Zarına Mádibekova.
Al basy daýǵa qalǵan kompanııanyń zańgeri shaǵymdanýshy taraptyń aryzy orynsyz dep otyr. Sózinshe, bilim alýǵa bekingen azamattar tapsyrmany tolyq oryndamady deıdi.
"Ol nıshalaryna saı kelmeıdi. Tabys tapqan joqpyz dep shaǵym aıtyp jatyr. Ózderiniń tarapynan ol kisiler tapsyrmalardy oryndaý kerek bolǵan. Kompanııanyń atynan jáne Juldyz hanymnyń atynan barlyq shart oryndaldy. Sabaqtyń bári saıtta tur. Segiz modýldan turady", - deıdi zańger Saltanat Dıhanbaeva.
Telearnanyń málimetinshe, polıııa departamenti bul fakt boıynsha tekserý júrgizgen. Alaıda tártip saqshylary bul azamattyq is bolǵandyqtan eshkimdi ustamady, sondyqtan daýdy sot arqyly sheshýdi usyndy.
“Adyrna” ulttyq portaly
