Sarapshylar azyq-túlik baǵasynyń taǵy da ósýi múmkin ekenin málimdedi, dep habarlaıdy “Adyrna” ulttyq portaly Turkistan.kz saıtyna silteme jasap.
Qazaqstanda 2022 jyldyń naýryz aıynda azyq-túlik taýarlarynyń baǵasy 5,8% ósti, al jylyna 15,4% kóterildi. Jyl boıynsha shaqqanda baǵanyń qymbattaýy eń kóp Aqtóbe oblysynda tirkeldi – baǵa 18,5%-ǵa ósken. Túrkistan oblysy men Shymkentte – 17,2%-ǵa, Jambyl oblysynda – 16,7%-ǵa ósý tirkeldi.
Elimizde jemister men kókónister birden 25,9%-ǵa, qant, tosap, bal, shokolad jáne kondıterlik ónimder – 24,7%-ǵa, maılar men toń maılar – 17,4%-ǵa, nan ónimderi men jarma – 13,6%-ǵa, balyq jáne teńiz ónimderi – 13,1%-ǵa qymbattady. Et, onyń ishinde et ónimderi – 12,9%-ǵa, sút ónimderi – 11,8%-ǵa ósti.
Sáýir aıynyń tolyq derekteri áli joq. Biraq, zertteýshilerdiń aıtýynsha, teris dınamıka jalǵasyp otyr.
Máselen, 1 sáýir men 12 sáýir aralyǵynda áleýmettik mańyzy bar azyq-túlik taýarlaryna tikeleı memleket baqylaıtyn jáne retteıtin baǵalar taǵy 1,8%-ǵa, al jyl basynan osy kúnge deıin birden 13,4%-ǵa kóterildi.
”Adyrna” ulttyq portaly
