Toqaev: Biz demokratııalyq ózgeristerdiń jańa dáýirine óttik

2308
Adyrna.kz Telegram

Aqorda rezıdenııasynda 10 memlekettiń tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti, dep habarlaıdy "Adyrna" ulttyq portaly. 

Senim gramotalaryn Kýba elshisi Oskar Santana Leon (rezıdenııasy Nur-Sultan qalasynda), Bangladesh elshisi Kamrýl Ahsan, Domınıkan Respýblıkasynyń elshisi Frank Gans Dannenberg Kastelıanos, Argentına elshisi Edýardo Antonıo Zýaın, Perý elshisi Hýan Henaro del Kampo Rodrıges, Nıgerııa elshisi Iakýbý Santýrakı Sýleıman, Laos elshisi Vılavan Iıapohe, Chad elshisi Adam Beshır Mahamýd, Rýanda elshisi Fıdelıs Ntampaka Mıronko, Benın elshisi Akambı Andre Okýnlola-Bıaý tapsyrdy.

Memleket basshysy elshilerdi Qazaqstandaǵy dıplomatııalyq mıssııalarynyń resmı bastalýymen quttyqtap, elimizdegi ıgi mindetterin oryndaý barysynda olarǵa Prezıdent Ákimshiligi men Qazaqstan Úkimeti tarapy jan-jaqty qoldaý kórsetetinin jáne kómektesetinin aıtty.

Qasym-Jomart Toqaev óz sózinde álemniń sońǵy otyz jyl ishinde eń kúrdeli geosaıası jáne geoekonomıkalyq ahýaldy bastan ótkerip otyrǵanyn aıtty. Onyń aıtýynsha, koronavırýs pandemııasy elderimiz úshin aıtarlyqtaı synaq boldy. Sonymen qatar halyqaralyq qatynastardaǵy ahýaldyń shıelenisýi álemniń damýyna keri áser etip otyr.  Osyǵan baılanysty Qazaqstan Prezıdenti qaqtyǵystardyń BUU Jarǵysyna sáıkes tezirek jáne ádil retteletinine senimdi ekenin jetkizdi.

Memleket basshysy kópultty jáne kópkonfessııaly Qazaqstan damýdyń jańa kezeńine qadam basqanyn atap ótti.

– Biz demokratııalyq ózgeristerdiń jańa dáýirine ótkenimizdi jarııalap, memlekettik bılikti buryn-sońdy bolmaǵan ortalyqsyzdandyrýǵa, úılesimdi jáne tepe-teńdik júıesin nyǵaıtýǵa kiristik, – dedi Prezıdent.

Qasym-Jomart Toqaev elimizde sheteldik ınvestorlar men saýda jónindegi seriktesterdiń Qazaqstan ekonomıkasyna degen senimin nyǵaıtýǵa basa mán beriletinine toqtaldy.

– Bizdiń Úkimet ulttyq ekonomıkanyń ashyqtyǵyna, kelisimsharttarǵa qol suǵylmaýyna jáne jemqorlyqpen aıaýsyz kúreske beıildiligin saqtaıdy. Bul reformalar halqymyzdyń tarıhyndaǵy betburys kezeńdi bildiredi. Biz turalap qalý emes, qarqyndy damý jolyn tańdaımyz, – dedi Qasym-Jomart Toqaev.

Prezıdent shyn máninde básekege qabiletti, demokratııalyq jáne áleýmettik memleket qurý úshin álemniń barlyq elimen ózara tıimdi ári dostyq qarym-qatynastardy nyǵaıtýǵa nıetti ekenimizdi aıtty.

Rásim sońynda Memleket basshysy dıplomattarǵa tabys tilep, olardyń memleketteriniń basshylaryna júrekjardy sálemin joldady. Sondaı-aq jıynǵa qatysýshylardy qasıetti Ramazan aıymen, Pasha merekesimen jáne Laos Jańa jylymen quttyqtady.

"Adyrna" ulttyq portaly 

Pikirler