"Amanat" partııasynyń 15 sáýirdegi otyrysynda májilis depýtaty Gennadıı Shıppovskıh Rýslan Shpekbaevqa qarý-jaraq salasyna qatysty suraq qoıdy, dep jazady "Adyrna" ulttyq portaly.
"Qańtar oqıǵasynda biz UQShU áskerinen kómek suraýǵa májbúr boldyq. Ózderińiz aıtqandaı, bul oqıǵa deıin de keıin de prezıdent birqatar tapsyrmalar berdi. Qańtar oqıǵasyna deıin Qorǵanys mınıstrligi aı qarap júrdi me, sonda? Qorǵanysty damytýǵa qyrýar qansha qarajat ketip jatyr. Bul - bir. Ekinshisi, búshgingi bizdiń dóńgelek ústel naqty otandyq ónerkásipke baılanysty. Naqty suraq qoıǵym keledi, biz otandyq qarýlardan ne shyǵaramyz? Qurastyrý máselesinen bólek, biz ne óndiremiz? Reseıde ózindik "Armata" tankisi bar, Amerıkada "Abrams" tankisi shyǵady. Tipti kishkentaı Izraıldiń ózi "Ýzı" qarýyn shyǵarady. Al bizde qarý-jaraqqa qyrǵyn aqsha ketip jatyr. Al biz ne óndiremiz, ne shyǵaramyz?" dedi Gennadıı Genadıevıch.
Shpekbaev myrza orys ultynyń qazaq tilinde qoıǵan suraǵyna ruqsat surap orys tilinde jaýap berdi:
"Jalpylaı alǵanda qorǵanys qarý jaraqtary týraly aıtar bolsaq, bizdiń respýblıkada sovettik sıstema áli de qaldy. Iaǵnı, arnaıy qarý jaraqtar shyǵaratyn bólimder bar. Bizdiń elde ushaq, raketa, tank syndy quraldar saqtalǵan joq. Keńestik odaqtan qalǵandary ǵana. Olardy shyǵarýdyń ózine keler bolsaq, bizden shyqqan kúnde de básekege qabiletti túrde óndiriledi dep aıta almaımyn" dep jaýap berdi general Shpekbaev.
