Jambyldaǵy áskerı bólimde joǵalyp ketip, 39 kúnde denesi taýdan tabylǵan Ulyqbek Berdishevtyń jaqyndary sotqa aryzdanbaq. Olardyń aıtýynsha, bireýlerden qysym kórýi múmkin eken. Sondyqtan týystary kinálilerdiń jazalanýyn talap etýde, dep habarlaıdy “Adyrna” ulttyq portaly Astana arnasyna silteme jasap.
“Medıına saraptama jasaǵan mamandarǵa osyndaı suraq qoıdym. Myna máıitke qansha ýaqyt bolǵan, qansha kún bolǵan degenimde. Ári ketkende 1,5-2 apta boldy dedi. Sonda qalǵan ýaqytta bul bala qaıda boldy, kim ustap otyrdy. Sýııdke kim jetkizdi bul balany? Kúdik kóp, kúmán kóp, suraq kóp. Sonyń jaýabyn bizge kim bere alady?", - deıdi Ulyqbek Berdishevtiń týysy Dárigúl Jumaǵalıeva.
Sarbazdyń denesine Taraz qalasynda sot medıınalyq saraptama jasalǵan. Týystarynyń aıtýynsha, onyń qorytyndysy 1 aıdyń kóleminde belgili bolady. 13 sáýirde jaqyndary Ulyqbektiń denesin jer qoınyna tapsyrdy.
Eske salaıyq, Jambyldaǵy shekara qyzmetindegi "Andas batyr" zastavasynda áskerı boryshyn ótep júrgen Ulyqbek Berdishov 2 naýryzda iz-tússiz joǵalǵan edi. Arada bir jarym aı ótkende onyń máıiti Qyrǵyzstan shekarasynan, taýda asylyp turǵan kúıde tabyldy.
“Adyrna” ulttyq portaly
