«Jańa Qazaqstandy eski kirpishpen qalaı alamyz ba?» — degen taqyryp tóńireginde áńgime qozǵaǵan «HARD-talk» jobasynyń 3-shyǵarylymynda Muhtar Taıjan «Amanat» partııasy qatysty oqıǵalarǵa pikir bildirdi, — dep habarlaıdy “Adyrna” ulttyq portaly Kznews.kz saıtyna silteme jasap.
M.Taıjan suhbat barysynda ataýy ózgertilgen partııanyń saılaýdaǵy jaǵdaıy, básekege qabilettiligi, jemqorlyqpen kúresi, bılik ókilderin jaqtaıtyn ádeti týraly suraqtarǵa jaýap berdi.
«Eger ádil saılaý bolsa, Amanat partııasy jeńiske jetpeıdi, olar básekege qabiletti emes. Shynymen saılaý óz erejelerine saı ótse, onda bul partııa nebári 10% daýys jınar edi. Sebebi halyqtyń kóńili Nur-otannan baıaǵyda qalyp qoıǵan. 30 jylda, árıne, paıdasy da bolǵan shyǵar, alaıda jamandyǵy basymyraq.
Oılap qarasańyzdar, qazirgi tańda Prezıdenttik saılaý týraly múldem sóz qozǵalmaıdy. Ondaǵy erejede el basshysynyń ornyna tek 5 jyl sheneýnik bolǵan adam ǵana úmitker bola alady. Endi qarańyz, jýrnalıst, ekonomıst sııaqty maman ıeleri bul týraly oılamasa da bolady. Endeshe Prezıdenttik saılaýǵa halyqtyń nebári 1%-y ǵana túse alady degen sóz.Jemqorlyqpen kúresetin adamnyń ekonomıkadaǵy rólin azaıtý kerek. Sebebi aqsha bar jerde jemqorlyq qosa júredi. Prezıdenttiń «Samuryq — Qazyna» kompanııasy men «Báıterek» holdıngin qaldyrýy — úlken qatelik. Bular — jemqorlyqtyń naǵyz oshaǵy. Sebebi memlekettiń qarajaty sol uıymda saqtalady. Olarǵa antıkor tekseris júrgize almaıdy. Amanat partııasynyń sybaılas jemqorlyqqa qarsy kúres júrgizedi degeni ótirik áńgime. Ol meniń pikirim emes, ol — aksıoma.
Jaǵympazdyq Amanat partııasy úshin dástúrge áldeqashan aınalǵan. Partııanyń qazirgi músheleri burynǵy oryn alǵan keleńsizdikterdiń jaýapkershiliginen qashpaýy kerek. Eýrazııalyq Odaqqa kirý — sol partııanyń sheshimi boldy. Endeshe jańadan kelgen músheleri «biz burynǵyny qalamaımyz, myna dúnıelerdi quptamaımyz, ol úshin osyndaı jańa qadamdar jasap jatyrmyz» dep barlyǵyn naqtylaýy tıis. Sizder áli kúnge deıin N.Á.Nazarbaevty tarıhı tulǵa dep esepteısizder. Máselen, Elbasyǵa qatysty zańdy óshirip tastamaısyzdar. Oshanovqa jýrnalıster «Nege zań kúshin joımaıdy?» -dep suraq qoısa, ol «Nazarbaev — tarıhı tulǵa» dep jaýap beredi. Gennadıı, Cherchılder de tarıhı tulǵa bolǵanymen, olardyń otbasyna, baılyqtaryna qatysty naqty zań qabyldanbady. Eger shynymen partııa beıtarap saıasat ustansa, onda basqa sheshimder qabyldaǵany jón. Sebebi Qazaqstanda da zań aldynda barlyq otbasy teń bolýy tıis», — dedi Muhtar Taıjan.
“Adyrna” ulttyq portaly
