Búgin, qasıetti Ramazan aıynyń on birinshi kúni Shymkent qalasy ákimdigi men Shymkent ortalyq meshitiniń uıytqy bolýymen «Ramazan qorjyny» qaıyrymdylyq sharasy joǵary deńgeıde uıymdastyryldy.
Igi shara barysynda Shymkent qalasynyń bas ımamy Baqdáýlet Abdrahmanovtyń atynan shahar bas ımam orynbasyr Muhamedjan Estemirov, qalalyq «Zeket jáne qaıyrymdylyq» qorynyń jetekshisi Aıbek Azımbaevtar qatysyp, qasıetti Ramazan aıynyń alǵashqy on kúndiginiń qorytyndy sharasyn ótkizip, jergilikti «Aıǵaq», «Ońtústik», «Otyrar», «Nar tv» telearnalary men «Ońtústik» radıosy jáne «Shymken kelbeti» gazetiniń tilshileri, blogerlerine suhbat berdi.
Búgingi kúni 750 otbasyǵa (kúrish, qant, ósimdik maı, shaı, un, makoron, táttiler, qurma t.b) salynǵan qorap taratyldy.
Jalpy, qasıetti Ramazan aıynyń alǵashqy on kúndiginde kópbalaly, múmkindigi shekteýli 11500 otbasyǵa qaıyrymdylyq kómekter úlestirildi.
Qaıyrymdylyq sharalarymyzǵa qoldaý bildirgen barsha kásipker azamattarǵa Allanyń nury jaýsyn, kásipterine bereke bersin!
