12 säuır Qazaqstanda ǧylymi qyzmetkerler künı. Atauly künmen QR Prezidentınıŋ Äkımşılıgı Basşysynyŋ orynbasary Aida Ǧalymqyzy qūttyqtady, dep habarlaidy "Adyrna" ūlttyq portaly.
"Bügın elımızde ǧylymi qyzmetkerler künı! Ilım jinap, bılım igerıp, ǧylymnyŋ alǧa ozuyna qyzmet etıp jürgen ǧalymdar qauymyn käsıbi merekesımen şyn jürekten qūttyqtaimyn! Ǧylym meiramynyŋ osy künge belgılenuınıŋ de özındık mänı bar. Bügın qazaq ǧylymynyŋ qaryştap damuyna ölşeusız üles qosqan ūlt maqtanyşy – Qanyş İmantaiūly Sätpaevtyŋ da tuǧan künı. Qanyş İmantaiūlynyŋ ūlttyq ǧylym deŋgeiın qandai biıkke şyǧarǧanyn ūrpaq eşqaşan ūmytpaidy!Söz joq, damu deŋgeiımızdıŋ bügıngı qol jetkızgen jetıstıgınıŋ barlyǧy ǧylymnyŋ igılıgı. Sondyqtan ǧylymnyŋ negızgı qozǧauşy küş ekenın tüsıngen elder būl salaǧa airyqşa köŋıl böledı. Bızdıŋ elımız osy joldy taŋdaǧan memleketter qatarynda jäne täuelsızdık alǧannan berı ūlttyq ǧylymǧa jüielı türde qoldau körsetıp keledı. Otandyq ǧylymdy memlekettık deŋgeide qoldau – Prezidentımız qolǧa alǧan reformalar toptamasynda negızgı basymdyqqa ie. Äsırese, ekonomikany ärtaraptandyru mındetın ıske asyruda ǧylymi tūjyrymdarǧa basa män berıledı.Bügın sondai-aq «Ǧaryşkerler künı!» Adamzat balasynyŋ kosmosqa jasaǧan alǧaşqty qadamy qazaq jerınen, Baiqoŋyr ailaǧynan bastalǧany bız üşın qaşanda zor maqtanyş! Jalpy ǧaryşty zertteu jäne tereŋ igeru salasy – bolaşaq ǧylymnyŋ basty nysany bolatyny sözsız.Elımızdıŋ ǧalymdaryna ǧylymi ızdenıste tabysty nätijelerge qol jetkızıp, jemıstı de jeŋıstı şyŋdardy baǧyndyra berudı tıleimın!" dep jazdy Aida Ǧalymqyzy özınıŋ Facebook paraqşasynda.
Ūqsas jaŋalyqtar
