Bügın QR Premer-Ministrı Älihan Smaiylov pen QR Prezidentı Äkımşılıgınıŋ basşysy Mūrat Nūrtıleu oblystyq mäslihattyŋ kezekten tys sessiiasynda deputattardyŋ kelısımımen Qyzylorda oblysynyŋ jaŋa äkımı Nälıbaev Nūrlybek Maşbekūlyn tanystyrdy.
Aimaq halqy üşın Nūrlybek Nälıbaev etene tanys tūlǧa. Būǧan deiın aimaǧymyzda bırqatar jauapty qyzmetterdı atqarǧan.
Äsırese 2013-2021 jyldary Qyzylorda qalasynyŋ äkımı retınde abyroily qyzmet etıp, öŋırdıŋ äleumettık-ekonomikalyq jäne kommunaldyq mäselelerın şeşu, jol-kölık infraqūrylymyn damytu, tūrǧyn üi qūrylysyn arttyru sekıldı maŋyzdy bastamalar men auqymdy jobalary arqyly jergılıktı tūrǧyndardyŋ qoldauyna ie bolǧan.
Bügıngı jaŋa taǧaiyndaudy da Syr jūrty erkşe yqylaspen qabyldauda. Ony äleumettık jelılerdegı jazbalar men qūttyqtaulardan anǧaruǧa bolady.
QR Premer-Ministrı Älihan Smaiylovtyŋ qatysuymen ötken kezekten tys sessiia barysynda memleket jäne qoǧam qairatkerı Baqbergen Särsenūly Dosmambetov: «Aimaqtyŋ jaǧdaiymen jaqsy tanys jäne barlyq mäselelerdı öz közımen körıp, qolymen ūstap körgen täjıribelı azamat, onyŋ üstıne osy jerdıŋ tumasy N.Nälıbaevty oblys äkımı qyzmetıne taǧaiyndaǧany üşın Memleket basşysyna alǧys aitamyz, bız qoldauǧa daiynbyz» - dep, jaŋa äkımnıŋ qyzmetıne abyroi tıledı.Aita ketu kerek, N.Nälıbaev eŋbek jolynda 1997 jyldan - 2005 jylǧa deiıngı aralyqta ärtürlı basşylyq qyzmetter atqarǧan. 2005-2007 jyldary Qyzylorda qalasy äkımınıŋ orynbasary, bırınşı orynbasary bolǧan. 2007-2008 jyldary Qyzylorda oblysy äkımınıŋ apparatyn basqarǧan. 2008-2013 jyldary Qyzylorda oblysy Şielı audanynyŋ äkımı, 2013-2021 jyldary Qyzylorda qalasynyŋ äkımı bolǧan. 2021 jylǧy säuırden bastap bügıngı künge deiın Qazaqstan Respublikasy Premer-Ministrı Keŋsesınıŋ Öŋırlık damu bölımınıŋ meŋgeruşısı qyzmetın atqarǧan.
