Búgin qala ákimi M.Áıtenov Eńbekshi aýdanyna qarasty Qaratóbe, Qazyǵurt aýmaqtarynyń (Bazarqaqpa, Abdýlabad, Turdyabad, Shańyraq, Badam-1, Toǵys, Jylanbuzǵan, Aınatas, Maıatas, Eltaı) turǵyndarymen esepti kezdesý ótkizdi.
Kezdesýde aýdan ákimi D.Esilbek aýmaqtyń damý josparyn baıandady. Eńbekshi aýdanynda ótken jyly 18 sport alańshasy ornatylǵan, bıylǵa 3 alańsha josparlanyp otyr. «Halyq qatysatyn bıýdjet» jobasy aıasynda Badam turǵyn alaby jańaqurylys, Jandosov kóshesi №67, 17 sh/a №6A úıdiń aýlasyna qoıylady.
Aýdanda sońǵy 9 jylda 103 ashyq sport alańshasy ornatylǵan. Sonyń búginde 21-i jańartýdy qajet etedi. Osy jylǵy josparǵa sáıkes Qaratóbe tas joly 146, 18 sh/a №8, 19, 22 úı, 7 sh/a №4 úıdiń aýlalaryndaǵy ashyq alańshalar jańarýdan ótedi.
