Jeke turǵyn úı qurylysyna jer ýchaskesin alý úshin egov.kz arqyly kezekke turýǵa bolady, dep habarlaıdy “Adyrna” ulttyq portaly Zakon.kz saıtyna silteme jasap.
QR ıfrlyq damý, ınnovaııalar jáne aeroǵarysh ónerkásibi mınıstrligi QR Aýyl sharýashylyǵy mınıstrligimen birlesip, JTQ-ǵa jer ýchaskesin alýǵa kezekke qoıý proesin avtomattandyrý máselesin pysyqtady.
Buǵan deıin jeke turǵyn úı qurylysyna jer ýchaskesin alý kezegine turý úshin qazaqstandyqtar ákimdikterge qaǵaz júzinde ótinish tapsyratyn, onda kezek retiniń durys júrgizilmeý qaýipi bar edi. Ol kezde kezekke turý proesi 12 kún ýaqyt alatyn edi. Bul ótinishter 16 jyl boıy aýdan, qala, oblys deńgeıinde bólek-bólek saqtaldy.
Jańa júıeniń arqasynda qazaqstandyqtar kezekke turyp, eGov.kz-te onyń jyljý barysyn óz betinshe baqylap, jer kezegine budan buryn berilgen ótinishtiń derekterin ózektendire alady. Osylaısha, árbir qazaqstandyq alýy tıis 10 sotyq jerdi alý proesi barynsha ashyq bolady. Al avtomatızaııa arqasynda bul proeske 5 mınýt qana jumsalady.
Ákimdikter bergen tizimdi biz ıfrlandyryp, elektrondy formatqa aýystyrdyq. Jer telimine kezekti ıfrlandyrý – sybaılas jemqorlyqty joıý jáne jerdi ıgerý úderisinde jasalǵan úlken ilgeri qadam. Endi kámelet jasyna tolǵan árbir qazaqstandyq úıden shyqpaı-aq, 10 sotyq jerge eGov.kz arqyly ótinim bere alady. Taǵy bir jańashyldyq – endi tańdaǵan aımaqtyń ákimdigine barmaı-aq, elimizdiń kez kelgen óńirinen jer telimine ótinim berýge bolady, – dep túsindirdi QR ıfrlyq damý, ınnovaııalar jáne aeroǵarysh ónerkásibi vıe-mınıstri Áset Turysov.
Qyzmetti paıdalaný úshin eGov.kz portalyna kirip, «Jyljymaıtyn múlik» – «Jer qatynastary» bóliminen «Jeke turǵyn úı qurylysyna jer ýchaskesin (10 sotyq jer) alýǵa kezekti qaraý nemese kezekke turý» qyzmetin tańdaý qajet.
Ári qaraı ótinish túrin tańdaý kerek. Búginde portalda ótinishtiń úsh túri bar:
- kezekke qoıý;
- derekterdi ózektendirý;
- kezekten shyǵarý.
Eger siz jer ýchaskesin alý úshin kezekke alǵash ret ótinish bildirip tursańyz, onda ózińiz jer alýdy qalaıtyn aımaqty tańdaısyz.
Eger siz budan buryn jer kezegine turǵan bolsańyz, biraq ol týraly aqparat tappasańyz, onda «Ózektendirý» ótinish túrin tańdaýyńyz qajet.
Kezek alǵanyńyzdy rastaý úshin qolyńyzda bar qujatty (talonnyń skan-nusqasy, ótinishtiń, jeke kýáliktiń jáne t.b. kóshirmeleri) júkteý qajet. Sondaı-aq kezek retin www.map.gov4c.kz/egkn/ saıtynda EQ arqyly avtorızaııadan ótip, baqylap otyrýǵa bolady.
Budan buryn alǵan jer kezeginen bas tartý úshin «Shyǵarý» ótinish túrin tańdaý qajet.
Eger azamat budan buryn memleketten tegin jer telimin alǵan bolsa nemese eldimekende JTQ úshin bos jer telimi bolmasa, jer kezegine ótinish bere almaıdy. Bos ýchaskelerdi berý jónindegi sheshimdi ákimdikter qabyldaıdy. Ýchaskeler alańdardyń daıyn bolýyna qaraı nemese eldimekenniń bas josparyna sáıkes, bos aýmaqtar bolǵan jaǵdaıda beriledi.
Eger buryn bir óńirde jer telimine kezekke turǵan bolsańyz, al qazir ózge aımaqtan jer alýǵa nıettenseńiz, 10 sotyqqa kezek reti erterek kelgen óńirden jer bir ret qana beriletinin, qalǵan ótinishterdiń kúshi joıylatynyn eskerý qajet.
”Adyrna” ulttyq portaly
