Ekonomikany monopoliiasyzdandyru jönındegı komissiia otyrysynda elımızdegı tırkelgen jäne ūialy bailanystyŋ ielengen ülesı turaly mäsele qaraldy, dep habarlaidy “Adyrna” ūlttyq portaly Orda.kz saityna sılteme jasap.
«Qazaqtelekom» AQ tırkelgen bailanys naryǧynda 80 paiyzdan astam jäne ūialy bailanys naryǧynda 60 paiyzdan astam ülesı bar telekommunikasiia qyzmetterı naryǧynda monopolist bolyp tabylady.
«Kcell men Tele2 bırıktıru kezınde olardyŋ jelılerın oŋtailandyru jäne bırıktıru arqyly oŋ nätijege qol jetkızu maqsaty qoiyldy. Būl körsetıletın telekommunikasiia qyzmetterınıŋ sapasyn arttyruǧa mümkındık beredı. Alaida 3 jyldan berı ūialy bailanys operatorlarynyŋ jelılerın bırıktıru jüzege asyrylmai keledı» delıngen premer-ministrdıŋ saitynda.
Şeşım retınde toptyŋ ūialy bailanys operatorlarynyŋ bırın bäsekeles naryqqa şyǧaru ūsynyldy.
Bailanys sapasyn baqylau tetıgın jetıldıru boiynşa ūsynystar aiasynda monitoring küşeitılıp, sapasyz qyzmet körsetkenı üşın aiyppūl mölşerı 100-den 1000 AEK-ke deiın ösedı.
Komissiia otyrysynda Bas prokuratura men Qarjy monitoringı agenttıgıne «Ksell» AQ-nyŋ 24 paiyzyn satu jönındegı mämıle nätijesınde memleketke keltırıluı mümkın zalal mäselesın zerdeleu ūsynyldy.
Sonymen qatar, komissiia otyrysynda «Transtelekom» AQ aksiialarynyŋ jeke tūlǧalarǧa satyluyn,ielıkten şyǧaru kezınde memleketke keltırıluı mümkın zalaldy taldauǧa ūsynys jasaldy.
Aita ketsek, «Transtelekom» AQ-nyŋ negızgı aksionerı Nūrsūltan Nazarbaevtyŋ ülken nemeresı – Nūrälı Äliev.
«Transtelekom» AQ-nyŋ mälımetterdı öŋdeu ortalyqtarynyŋ injenerlık infraqūrylymyna qatysty tarifterınıŋ negızdılıgıne taldau jasau, sondai-aq «Transtelekom» AQ-nyŋ Qazaqstan men Äzırbaijan arasyndaǧy ükımetaralyq kelısımde aiqyndalǧan airyqşa qūqyǧyn alyp tastau boiynşa jūmysty jalǧastyru ūsynyldy.
Älihan Smaiylov ICRIAP-qa joǧaryda atalǧan bırlesken joba aiasynda qazaqstandyq operatordy auystyru boiynşa äzırbaijandyq tarappen kelıssözder jürgızudı tapsyrdy.
”Adyrna” ūlttyq portaly
