AQŞ prezidentı Donald Tramp İranǧa qarsy äskeri soqqy beru josparyn maqūldaǧan. Alaida onyŋ oryndaluyn keiınge qaldyryldy, dep habarlaidy "Adyrna" ūlttyq portaly VVS-ge sıltep.
Alǧaşqy bolyp būl aqparatty Wall Street Journal gazetı taratqan. Keiın ony CNN jäne CBS sekıldı özge de amerikalyq BAQ rastady.
Jurnalister AQŞ prezidentı Trampqa İrandaǧy iadrolyq nysandarǧa soqqy beru mümkındıgı jönındegı sūraq qoiǧan.
«Mümkın, men ony oryndaimyn, mümkın – joq», – dep qysqa qaiyrǧan prezident.
Älemdık BAQ-ta AQŞ-tyŋ İrandaǧy Fordo iadrolyq zauytyna äueden soqqy beru yqtimaldyǧy qyzu talqylanuda.
Sarapşylardyŋ pıkırınşe, ondaǧy tunnelder men zaldar qalyŋ tau jynystarynyŋ astynda ornalasqan. Sondyqtan tek AQŞ-tyŋ ielıgındegı 13,6 tonna salmaqqa ie joǧary däldıktegı bombalar ǧana ony būza alady. Al İzrailde mūndai qaru joq ekenı aityldy.
AQŞ bilıgı İrannyŋ iadrolyq baǧdarlamasynan bas tartuyn kütude. Şabuyl josparynyŋ naqty qaşan oryndalatyny älı belgısız.
